ഇന്ത്യൻ പ്രീമിയർ ലീഗ് (ഐപിഎൽ) 2025 സീസൺ മെയ് 17 മുതൽ പുനരാരംഭിക്കുമെന്ന് ഇന്ത്യൻ ക്രിക്കറ്റ് ബോർഡ് (ബിസിസിഐ). ഇന്ത്യയും പാകിസ്ഥാനും തമ്മിലുള്ള അതിർത്തി കടന്നുള്ള സംഘർഷങ്ങൾ വർദ്ധിച്ചതിനെത്തുടർന്ന് ഐപിഎൽ ഒരു ആഴ്ചത്തേക്ക് നിർത്തിവച്ചു. സീസണിലെ ശേഷിക്കുന്ന മത്സരങ്ങൾ ആറ് വേദികളിലായി നടത്തുമെന്നും ജൂൺ 3 ന് ഫൈനൽ നടക്കുമെന്നും ബോർഡ് അറിയിച്ചു.
സർക്കാരുമായും സുരക്ഷാ ഏജൻസികളുമായും എല്ലാ പങ്കാളികളുമായും വിപുലമായ കൂടിയാലോചനകൾക്ക് ശേഷമാണ് ഐപിഎൽ പുനരാരംഭിക്കാനുള്ള തീരുമാനം എടുത്തതെന്ന് ബിസിസിഐ അറിയിച്ചു.മെയ് 10 ന് ഇന്ത്യയും പാകിസ്ഥാനും വെടിനിർത്തൽ കരാറിൽ ഒപ്പുവച്ചു അതിർത്തി സംസ്ഥാനങ്ങളിൽ തുടർച്ചയായ ഡ്രോൺ, മിസൈൽ ആക്രമണങ്ങൾ നടത്തിയതിനെത്തുടർന്ന് പാകിസ്ഥാനിലെ 11 സൈനിക കേന്ദ്രങ്ങളിലും വ്യോമതാവളങ്ങളിലും ഇന്ത്യ ആക്രമണം നടത്തിയതിനെ തുടർന്നാണ് വെടിനിർത്തൽ.
പാകിസ്ഥാനുമായുള്ള സംഘർഷം രൂക്ഷമായതിനെത്തുടർന്ന് ധർമ്മശാലയിൽ പഞ്ചാബ് കിംഗ്‌സും ഡൽഹി ക്യാപിറ്റൽസും തമ്മിലുള്ള മത്സരം പകുതിയിൽ നിർത്തിവച്ചിരുന്നു. ഇതിന് ശേഷമാണ് മെയ് 9 ന് ഐപിഎൽ താൽക്കാലികമായി നിർത്തിവച്ചത്. ടൂർണമെന്റിന്റെ ശേഷിക്കുന്ന മത്സരങ്ങൾ ഓഗസ്റ്റ്-സെപ്റ്റംബർ വിൻഡോയിൽ നടത്താൻ കഴിയുമെന്ന അഭ്യൂഹങ്ങൾക്കിടെ ഐപിഎൽ ഒരു ആഴ്ചത്തേക്ക് മാത്രം നിർത്തിവച്ചതായി സംഘാടകർ പറഞ്ഞിരുന്നു.
മെയ് 24 ന് ജയ്പൂരിൽ നിർത്തിവച്ച മത്സരം പഞ്ചാബ് കിംഗ്‌സും ഡൽഹി ക്യാപിറ്റൽസും വീണ്ടും നടത്തുമെന്ന് ബിസിസിഐ ഇപ്പോൾ ഉറപ്പാക്കിയിട്ടുണ്ട്. ലീഗ് ഘട്ടം മെയ് 27 ന് അവസാനിക്കും, പ്ലേഓഫ് മത്സരങ്ങൾ മെയ് 29 ന് ആരംഭിക്കും. തുടക്കത്തിൽ, ഐപിഎൽ ഫൈനൽ മെയ് 25 ന് നടത്താൻ നിശ്ചയിച്ചിരുന്നു.
