ബിസിനസ് തർക്കത്തെത്തുടർന്ന് ആക്രമണം; മക്കളുടെ കൺമുന്നിൽ വെച്ച് പിതാവിനെ കൊലപ്പെടുത്തി

മുംബൈ: ഗ്യാസ് ബിസിനസുമായി ബന്ധപ്പെട്ട മുൻ വൈരാഗ്യത്തെ തുടർന്നുള്ള തർക്കത്തിൽ പിതാവിനെ മകളുടെ മുന്നിൽ കൊലപ്പെടുത്തിയ സംഭവം മുംബൈയിൽ ചത്രപതി സാംബാജി സിറ്റിയിൽ ഉണ്ടായി. ഓട്ടോ ഡ്രൈവറായ സയിദ് ഇമ്രാൻ ഷാഫിക്കിനെ മൂന്നംഗ സംഘം ആക്രമിച്ചുവെന്ന് റിപ്പോർട്ട്. മൂന്നും പതിമൂന്നും വയസുള്ള ആൺമക്കളുടെ മുന്നിൽ വച്ചാണ് യുവാവിനെ അക്രമി സംഘം കൊലപ്പെടുത്തിയത്Attacked over business dispute; Father murdered in front of his children

ബുധനാഴ്ച ചത്രപതി സാംബാജി സിറ്റി റെയിൽവേ സ്റ്റേഷനടുത്ത് ഷാഫിക്കും മക്കളും ഓട്ടോയിലായിരുന്നു. സിൽക്ക് മിൽ കോളനി മേഖലയിലേക്ക് എത്തിയ ആറംഗ അക്രമിസംഘം അവരെ ഓട്ടോയിൽ നിന്ന് വലിച്ചിറക്കി ആയുധങ്ങൾ ഉപയോഗിച്ച് മർദ്ദനം ചെയ്തു. ഷാഫിക്ക് പ്രതിരോധിച്ചെങ്കിലും പരാജയപ്പെട്ടു.

സംഭവത്തിൽ അദ്ദേഹത്തിന് തല, കഴുത്ത്, വിരലുകൾ, കൈത്തണ്ട എന്നിവക്ക് ഗുരുതര പരിക്കേറ്റു, കൂടാതെ ശരീരത്തിന്റെ വിവിധ ഭാഗങ്ങളിൽ നിരവധി കുത്തേറ്റു. പിന്നീട് യുവാവിനെ ഓവർബ്രിഡ്ജിനരികിൽ ഉപേക്ഷിച്ച് അക്രമി സംഘം കടന്നുകളഞ്ഞു.

പോലീസ് അന്വേഷണം ഉടൻ ആരംഭിക്കുകയും, സംഭവം നടന്നിട്ട് 10 മണിക്കൂറിനുള്ളിൽ മൂന്ന് പ്രതികളെ അറസ്റ്റ് ചെയ്യുകയും ചെയ്തു. പ്രാഥമിക പരിശോധന പ്രകാരം, കൊലപാതകത്തിന് പിന്നിൽ ബിസിനസുമായി ബന്ധപ്പെട്ട തർക്കങ്ങളും മുൻ വൈരാഗ്യവും പ്രേരകമായതായി റിപ്പോർട്ട് ചെയ്യുന്നു.