ന്യൂഡൽഹി∙ ജമ്മു കശ്മീർ മുൻ ഗവർണർ സത്യപാൽ മാലിക് (79) അന്തരിച്ചു. വൃക്ക സംബന്ധമായ അസുഖങ്ങളാൽ ഏറെക്കാലമായി ചികിത്സയിൽ കഴിയുകയായിരുന്നു. ഡൽഹിയിലെ റാം മനോഹർ ലോഹ്യ ആശുപത്രിയിൽ ഇന്ന് ഉച്ചയ്ക്ക് ഏകദേശം ഒരു മണിയോടെയായിരുന്നു അന്ത്യം.Former Jammu and Kashmir Governor Satya Pal Malik passes away
2019 ഫെബ്രുവരിയിൽ പുൽവാമയിൽ നടന്ന ഭീകരാക്രമണത്തിൽ 40 സിആർപിഎഫ് സേനാംഗങ്ങൾ കൊല്ലപ്പെട്ട സംഭവവുമായി ബന്ധപ്പെട്ട് സത്യപാൽ മാലിക് തുറന്ന വിമർശനങ്ങൾ ഉന്നയിച്ചിരുന്നു. അതിനുള്ള സമയത്ത് കശ്മീരിന്റെ ഗവർണറായിരുന്ന മാലിക്, ഈ ആക്രമണത്തിന് കേന്ദ്ര സർക്കാരിന്റെ ഗുരുതര വീഴ്ചയാണു കാരണം എന്നാണ് അഭിപ്രായപ്പെട്ടത്. ഇക്കാര്യം പ്രധാനമന്ത്രി നരേന്ദ്ര മോദിയോടു നേരിട്ട് ചൂണ്ടിക്കാണിച്ചപ്പോൾ, താത്കാലികമായി അതിനെക്കുറിച്ച് മൗനം പാലിക്കണമെന്ന നിർദേശമെന്നു പോലും അദ്ദേഹം ആരോപിച്ചിരുന്നു.
