ന്യൂഡൽഹി: കേരള സർക്കാർ ഡൽഹിയിൽ നിയോഗിച്ച പ്രത്യേക പ്രതിനിധിയായ പ്രൊഫ. കെ വി തോമസ് ഉപരാഷ്ട്രപതി ജഗദീപ് ധൻകറുമായി കൂടിക്കാഴ്ച നടത്തി. ഉപരാഷ്ട്രപതിയുടെ ഓഫീസിൽ നടന്ന യോഗം കേരളത്തിലെ പ്രധാന ആവശ്യങ്ങൾ ഉന്നയിക്കാനായിരുന്നു.Prof. K. V. Thomas meets the Vice President
സംസ്ഥാനത്ത് എയിംസ് സ്ഥാപിക്കപ്പെടാതെ പോവുന്നത്, ഹൈസ്പീഡ് റെയിൽവേ പദ്ധതിക്ക് അനുമതി ലഭിക്കാത്തത്, വയനാട്ടിലെ ഉരുൾപൊട്ടൽ ദുരന്തത്തെ തുടർന്ന് ധനസഹായം ലഭിക്കാതിരിക്കുന്നത് എന്നിവയെക്കുറിച്ച് കെ വി തോമസ് ഉപരാഷ്ട്രപതിയുടെ ശ്രദ്ധയിൽപ്പെടുത്തി.
കേരളത്തിന്റെ ആവശ്യങ്ങൾ കൂടുതൽ വിശദമായി അറിയിക്കാൻ ധൻകർ കെ വി തോമസിനോട് ആവശ്യപ്പെട്ടു. ഇതുമായി ബന്ധപ്പെട്ട വിശദമായ റിപ്പോർട്ട് ഉടൻ കൈമാറുമെന്നും തോമസ് പറഞ്ഞു.
അതേസമയം, കേരളത്തിൽ നടക്കുന്ന വിവിധ പരിപാടികൾക്ക് ഉപരാഷ്ട്രപതിയെ ക്ഷണിക്കാനും തോമസ് അഭിമുഖമായി ശ്രമിച്ചു. വിദ്യാധനം ട്രസ്റ്റിന്റെ ‘ഭാവിക്ക് വേണ്ടി സമ്പാദിക്കുക’ പദ്ധതിയുടെ ഭാഗമായി പതിനായിരം വിദ്യാർത്ഥികൾക്ക് കുടുക്ക നൽകി എസ്‌ബിഐയിൽ അക്കൗണ്ടുകൾ തുറക്കുന്ന ചടങ്ങിന്റെ ഉദ്ഘാടനത്തിനും 100 വർഷം പൂര്‍ത്തിയാക്കിയ കൊല്ലം ഫാത്തിമ കോളേജിന്റെ ജൂബിലി ആഘോഷത്തിനുമാണ് ക്ഷണം നൽകിയത്.
കേരളം സന്ദർശിക്കുക തനിക്ക് സന്തോഷം നൽകുന്ന കാര്യമാണെന്നും പാർലമെന്റ് സെഷൻ കഴിഞ്ഞാൽ സന്ദർശനത്തിന് എത്തുമെന്നുമാണ് ഉപരാഷ്ട്രപതി തോമസിനോട് പറഞ്ഞത്.
