നെടുമങ്ങാട് ഹോട്ടലിൽ ഗ്യാസ് പൊട്ടിത്തെറിച്ച് കടയുടമ മരിച്ചു

തിരുവനന്തപുരം: നെടുമങ്ങാട് മാണിക്യപുരത്ത് പ്രവർത്തിച്ചിരുന്ന ഹോട്ടലിൽ ഗ്യാസ് സിലിണ്ടർ പൊട്ടിത്തെറിച്ചുണ്ടായ അപകടത്തിൽ കടയുടമ മരിച്ചു. മരിച്ചത് 55 വയസ്സുകാരനായ വിജയനാണ്. ഇന്ന് ഉച്ചയ്ക്ക് ഏകദേശം 12 മണിയോടെയായിരുന്നു സംഭവം. പൊട്ടിത്തെറിയുണ്ടായതുടൻ തന്നെ വിജയൻ സ്ഥലത്തുവച്ച് മരിച്ചു.Shopkeeper dies in gas explosion at Nedumangad hotel

അപകടം നടക്കുന്നതിന് തൊട്ടുമുമ്പ് വിജയന്റെ ഭാര്യ ചെറുമകനുമായി കടയിൽ നിന്ന് പുറത്തേക്ക് പോയിരുന്നു. അന്ന് കടയിൽ മറ്റാരും ഉണ്ടായിരുന്നില്ല.

പ്രാഥമിക വിവരങ്ങൾ പ്രകാരം, ഗ്യാസ് ചോർച്ചയാണ് പൊട്ടിത്തെറിക്ക് കാരണമെന്ന് കരുതുന്നു. ശക്തമായ ശബ്ദം കേട്ട് സമീപവാസികൾ സ്ഥലത്തെത്തുമ്പോഴേക്കും കട പൂർണ്ണമായും തീയിൽ കത്തിനശിച്ചിരുന്നു. ഫയർഫോഴ്സ് എത്തി തീ നിയന്ത്രണവിധേയമാക്കിയെങ്കിലും വിജയന്റെ ജീവൻ രക്ഷിക്കാനായില്ല. ശരീരം പൂർണ്ണമായും കത്തിക്കരിഞ്ഞ നിലയിലായിരുന്നു.