കണ്ണൂർ: ടി.പി. ചന്ദ്രശേഖരൻ വധക്കേസിലെ പ്രതി കൊടി സുനി കോടതി പരിസരത്ത് മദ്യപിച്ചെന്ന പരാതിയിൽ നിയമോപദേശം തേടിയതായി പൊലീസ് അറിയിച്ചു. തലശ്ശേരി കോടതിയിൽ ഹാജരാക്കുന്നതിനിടയിൽ ഇയാളും സംഘവും മദ്യപിക്കുന്ന ദൃശ്യങ്ങൾ പുറത്ത് വന്നതോടെയാണ് നടപടികൾ ആരംഭിച്ചത്.Drinking alcohol in court premises: Police seek legal advice to file a case against Kodi Suni
ജൂലൈ 17-ന് കണ്ണൂർ സെൻട്രൽ ജയിലിൽ നിന്നാണ് കൊടി സുനിയെ കോടതിയിൽ ഹാജരാക്കാനായി കൊണ്ടുവന്നത്. ഈ സമയത്താണ് കോടതിക്ക് സമീപമുള്ള ഹോട്ടലിന് പിന്നിൽ നിന്നും മദ്യപിച്ചെന്നതിന്റെ തെളിവായ സിസിടിവി ദൃശ്യങ്ങൾ ലഭിച്ചത്. ദൃശ്യങ്ങൾ പരിശോധിച്ച ശേഷമാണ് എസ്കോർട്ടായി നിയോഗിക്കപ്പെട്ട മൂന്ന് പൊലീസ് ഉദ്യോഗസ്ഥർക്കെതിരെ സസ്പെൻഡ് ചെയ്തിരുന്നു.
ഇത് ആദ്യമല്ലെന്ന് പൊലീസ് പറയുന്നു കൊടി സുനി ഇതിനു മുൻപ് മറ്റ് ഹാജർ സമയങ്ങളിലും മദ്യപിച്ചിരുന്നതായും വിവരങ്ങളുണ്ട്. സംഭവങ്ങളുടെ പശ്ചാത്തലത്തിൽ ഇനി മുതൽ ടി.പി. കേസിലെ പ്രതികൾക്ക് സീനിയർ ഓഫീസർമാരെ എസ്കോർട്ടായി നിയോഗിക്കാൻ തീരുമാനമായി. കൂടാതെ കോടതിയിലേക്കുള്ള യാത്രയ്ക്കും പരിസരങ്ങൾക്കും കൂടുതൽ നിരീക്ഷണവും നിയന്ത്രണവും ഏർപ്പെടുത്തും.
മദ്യപാനവുമായി ബന്ധപ്പെട്ട് കേസ് രജിസ്റ്റർ ചെയ്യുന്നതിന് നിയമോപദേശം ലഭിച്ച ശേഷം തുടർനടപടികൾ സ്വീകരിക്കുമെന്ന് പൊലീസ് അറിയിച്ചു.
