തിരുവനന്തപുരം: മുന് മുഖ്യമന്ത്രി വി. എസ്. അച്യുതാനന്ദന്റെ നിര്യാണത്തിൽ ആദരമര്പ്പിച്ച് സംസ്ഥാനത്ത് നാളെ (2025 ജൂലൈ 23, ബുധനാഴ്ച) നടത്താനിരുന്ന പിഎസ്സി പരീക്ഷകള് മാറ്റിവച്ചു. എന്നാല്, നാളെ നിശ്ചയിച്ചിരിക്കുന്ന പിഎസ്സി അഭിമുഖങ്ങള് നേരത്തേ അറിയിച്ചപോലെ തന്നെ നടത്തും.VS Culture: PSC exams postponed
പൊതുമരാമത്ത് / ജലസേചന വകുപ്പുകളിലെ സെക്കന്റ് ഗ്രേഡ് ഓവർസിയർ/ഡ്രാഫ്റ്റ്സ്മാൻ (സിവിൽ )(നേരിട്ടുള്ള നിയമനം -കാറ്റഗറി നമ്പർ 8/2024), ജലസേചന വകുപ്പിലെ സെക്കന്റ് ഗ്രേഡ് ഓവർസിയർ /ഡ്രാഫ്റ്റ്സ്മാൻ (സിവിൽ- പട്ടിക വർഗ്ഗക്കാർക്കു മാത്രം – കാറ്റഗറി നമ്പർ 293/2024), കേരള സംസ്ഥാന പട്ടിക ജാതി/ പട്ടിക വർഗ്ഗ വികസന കോർപ്പറേഷനിലെ ട്രേസർ, (നേരിട്ടുള്ള നിയമനം, കാറ്റഗറി നമ്പർ – 736/2024) തസ്തികകളിലേക്കുള്ള പരീക്ഷകളാണ് മാറ്റിവെച്ചത്. പുതുക്കിയ തീയതി പിന്നീട് അറിയിക്കും.
വി. എസിന് ആദരമായി സംസ്ഥാനത്ത് മൂന്ന് ദിവസത്തെ ഔദ്യോഗിക ദുഃഖാചരണമാണ് പ്രഖ്യാപിച്ചിരിക്കുന്നത്. ഈ ദിവസങ്ങളില് സര്ക്കാര് കെട്ടിടങ്ങളില് ദേശീയ പതാക പകുതി താഴ്ത്തിക്കെട്ടും. ഇന്ന് സംസ്ഥാനത്ത് പൊതു അവധിയാണ്. കൂടാതെ, സംസ്കാരം നടക്കുന്ന ആലപ്പുഴ ജില്ലയില് നാളെയും സര്ക്കാര് പൊതു അവധി പ്രഖ്യാപിച്ചിട്ടുണ്ട്.
