കോഴിക്കോട് : സഹകരണ ബാങ്കിൽ നിക്ഷേപിക്കാൻ കൊണ്ടുവന്ന കറൻസിയിൽ 500 രൂപയുടെ 31 വ്യാജനോട്ടുകൾ കണ്ടെത്തി. ജൂൺ 20-ന് നഗരത്തിലെ പ്രമുഖ സഹകരണ ബാങ്കിന്റെ കുറ്റിയിലതാഴം ശാഖയിലാണ് സംഭവം. അയൽക്കൂട്ടത്തിന്റെ പേരിൽ ഉള്ള സേവിങ്സ് അക്കൗണ്ടിലേക്ക് പണം അടയ്ക്കാനായി എത്തിച്ച കറൻസിയിലാണ് വ്യാജനോട്ടുകൾ കണ്ടെത്തിയത്.31 fake notes seized at Kozhikode Cooperative Bank
മൊത്തം 54,400 രൂപ കറൻസിയിലാണ് വ്യാജനോട്ടുകൾ ഉണ്ടായിരുന്നത്. ഇതിൽ നിന്ന് 15,500 രൂപയുടെ കുറവ് ഉണ്ടായിരുന്നുവെന്ന് തിരിച്ചറിഞ്ഞ ബാങ്ക് അധികൃതരുടെ നിർദേശത്തെത്തുടർന്ന്, അയൽക്കൂട്ടത്തിലെ ഒരു അംഗം പിന്നീട് ആ തുക അടച്ചു. വർഷങ്ങളായി അതേ ബാങ്കിൽ അക്കൗണ്ടും സ്വർണം പണയംവെച്ചിട്ടുമുള്ള അംഗത്തിനാണ് ഈ പണം നൽകി ബാങ്കിൽ എത്തിച്ചത്.
കോമേരി മുക്കണ്ണിതാഴം സ്വദേശി ആയ ഇയാൾക്ക് വ്യാജനോട്ടുകൾ എവിടെനിന്ന് ലഭിച്ചുവെന്നതിൽ അന്വേഷണം പുരോഗമിക്കുന്നു. സഹകരണ ബാങ്കിന്റെ ജനറൽ മാനേജർ നൽകിയ പരാതിയുടെ അടിസ്ഥാനത്തിൽ, ജൂലൈ 2-ന് കസബ പൊലീസ് കേസ് രജിസ്റ്റർ ചെയ്തു. വ്യാജനോട്ടുകൾ പൊലീസ് കസ്റ്റഡിയിലെടുത്തിട്ടുണ്ട്.
