തിരുവനന്തപുരം: കേരളത്തിലെ തീരങ്ങളില് കടലാക്രമണ സാധ്യത പ്രവചിച്ച് സമുദ്രസ്ഥിതിപഠന ഗവേഷണ കേന്ദ്രം. കേരള തീരത്ത് 29ന് രാത്രി 8.30 വരെ 3.3 മുതല് 3.9 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം. ഇതിന്റെ ഭാഗമായി കേരളത്തിലെ വിവിധ കടല്ത്തീരങ്ങളില് റെഡ്, ഓറഞ്ച് അലര്ട്ടുകള് പ്രഖ്യാപിച്ചിട്ടുണ്ട്. താഴെ പറയുന്ന പ്രദേശങ്ങളില് പ്രത്യേക ജാഗ്രത ആവശ്യമാണ്.
റെഡ് അലര്ട്ട് (28/05/2025 ന് രാത്രി 08.30 വരെ)
തിരുവനന്തപുരം: കാപ്പില് മുതല് പൊഴിയൂര് വരെ
കൊല്ലം: ആലപ്പാട് മുതല് ഇടവ വരെ
ആലപ്പുഴ: ചെല്ലാനം മുതല് അഴീക്കല് ജെട്ടി വരെ
എറണാകുളം: മുനമ്പം മുതല് മറുവക്കാട് വരെ
തൃശൂര്: ആറ്റുപുറം മുതല് കൊടുങ്ങല്ലൂര് വരെ
മലപ്പുറം: കടലുണ്ടി നഗരം മുതല് പാലപ്പെട്ടി വരെ
കാസറഗോഡ്: കുഞ്ചത്തൂര് മുതല് കോട്ടക്കുന്ന് വരെ
ഓറഞ്ച് അലര്ട്ട്
കണ്ണൂര്: വളപട്ടണം മുതല് ന്യൂമാഹി വരെ
കോഴിക്കോട്: ചോമ്പാല മുതല് രാമനാട്ടുകര വരെ
മത്സ്യത്തൊഴിലാളികളും തീരദേശവാസികളും അതീവ ജാഗ്രത പാലിക്കണം. മുന്നറിയിപ്പ് പിന്വലിക്കുന്നത് വരെ ബീച്ചുകള് കേന്ദ്രീകരിച്ചുള്ള വിനോദസഞ്ചാരമുള്പ്പെടെയുള്ള എല്ലാ പ്രവര്ത്തനങ്ങളും പൂര്ണ്ണമായി ഒഴിവാക്കണമെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
