പലസ്തീനില്‍ ഗാസ മേഖലയില്‍ കുട്ടികളടക്കം അനേകം പേരെ പട്ടിണിക്കിട്ട് കൊന്നൊടുക്കുന്ന ഇസ്രയേലിന്റെ ക്രൂരതയ്‌ക്കെതിരെ ലോകമാകെ പ്രതിഷേധം ശക്തമാകുകയാണ്. ഭക്ഷണത്തിന്റെ അഭാവത്തില്‍ എളുപ്പം കാണാവുന്ന അസ്ഥികളും ചർമ്മവുമാത്രമുള്ള കുഞ്ഞുങ്ങളുടെ ദൃശ്യങ്ങള്‍ വിവിധ രാജ്യങ്ങളില്‍ നിന്നും പുറത്ത് വരുകയാണ്. കഴിഞ്ഞ ദിവസം മാത്രം രണ്ടുപേര്‍ കൂടി പട്ടിണിമൂലം മരണപ്പെട്ടു. ഇതോടെ പട്ടിണി മൂലം ഇതുവരെ മരണപ്പെട്ടവരുടെ എണ്ണം 115 കടന്നിട്ടുണ്ട്.Hunger strike in Palestine: Global protests are strong
24 ലക്ഷത്തോളം ജനസംഖ്യയുള്ള ഗാസയില്‍ അഞ്ചുലക്ഷം ബാഗ് ധാന്യമെങ്കിലും എത്തിയാലെ വരാനിരിക്കുന്ന കൂട്ട പട്ടിണി മരണത്തെ ചെറുക്കാന്‍ സാധിക്കുകയുള്ളു. എന്നാല്‍ ഗാസയിലേക്കുള്ള സഹായ വസ്തുക്കള്‍ തടഞ്ഞുവെക്കുന്ന ഇസ്രയേലിന്റെ ക്രൂരത തുടരുകയാണ്. റഫ അതിര്‍ത്തിയില്‍ ദിവസങ്ങളോളമായി ഈ സഹായ വസ്തുക്കള്‍ കെട്ടിക്കിടക്കുന്ന അവസ്ഥയാണ്.
ദൈര്‍ അല്‍ ബലാഹില്‍ നിന്നുള്ള അന്താരാഷ്ട്ര മാധ്യമ റിപ്പോര്‍ട്ടുകള്‍ പ്രകാരം, വിശപ്പിന്റെ വേദനയില്‍ കരയുന്ന കുഞ്ഞുങ്ങളുടെ കാഴ്ചകള്‍ അതീവ ഭീതിജനകമാണ്. പലസ്തീനികള്‍ പറയുന്നു: “പട്ടിണി കഴിഞ്ഞു പോവുകയല്ല, ഇപ്പൊഴുള്ള അവസ്ഥ അതിലും ഭീകരം.”
ഇതേസമയം, കഴിഞ്ഞ 24 മണിക്കൂറിനിടെ ഇസ്രയേല്‍ നടത്തിയ വ്യോമാക്രമണങ്ങളില്‍ 17 ഗസ്സക്കാര്‍ കൂടി കൊല്ലപ്പെട്ടു. ഇതോടെ ഈ ഏറ്റുമുട്ടലില്‍ ഇതുവരെ കൊല്ലപ്പെട്ടവരുടെ എണ്ണം 59,219 ആയി.
അതേസമയം, ആശുപത്രികള്‍ തകര്‍ക്കുന്നതും മരുന്നും ജീവന്‍ രക്ഷാ ഉപകരണങ്ങളും എത്തിപ്പിടിക്കാന്‍ അനുവദിക്കാതിരിക്കുന്നതും, ഭക്ഷണത്തിനായി കരയുന്നവരെ പട്ടിണിക്കിട്ട് കൊല്ലുന്നതും അന്താരാഷ്ട്ര മാനവിക നിയമങ്ങള്‍ക്കും മെഡിക്കല്‍ ഈതിക്ക്സിനും വിരുദ്ധമാണെന്ന് വ്യക്തമാക്കിയാണ് ഇസ്രയേല്‍ ഡോക്ടര്‍മാരുടെ സംഘടനയായ ഇസ്രയേല്‍ മെഡിക്കല്‍ അസോസിയേഷന്‍ നിലപാട് പ്രകടിപ്പിച്ചിരിക്കുന്നത്.
