ശബരിമല സ്വർണക്കൊള്ള: കടകംപള്ളി സുരേന്ദ്രൻ്റെ മൊഴിയെടുത്ത് എസ്ഐടി

പത്തനംതിട്ട:ശബരിമല സ്വർണക്കൊള്ള കേസിൽ പ്രത്യേക അന്വേഷണ സംഘം (എസ്ഐടി) മുൻ ദേവസ്വം മന്ത്രി കടകംപള്ളി സുരേന്ദ്രന്റെ മൊഴി രേഖപ്പെടുത്തി. ദേവസ്വം ബോർഡ് മുൻ പ്രസിഡൻറ് പി.എസ്. പ്രശാന്തിന്റെയും മൊഴി ശനിയാഴ്ചയാണ് എസ്ഐടി എടുത്തത്.Sabarimala gold robbery: SIT records Kadakampally Surendran’s statement

2019ൽ ദേവസ്വം മന്ത്രിയായിരുന്ന നിലയിലാണ് തനിക്കു മുന്നിൽ ചോദ്യങ്ങൾ ഉന്നയിച്ചതെന്ന് കടകംപള്ളി സുരേന്ദ്രൻ പ്രതികരിച്ചു. അറിയാവുന്ന കാര്യങ്ങളെല്ലാം എസ്ഐടിയോട് വിശദീകരിച്ചതായും അദ്ദേഹം പറഞ്ഞു.

എസ്ഐടി മൊഴിയെടുത്തെന്ന വിവരം പി.എസ്. പ്രശാന്തും സ്ഥിരീകരിച്ചു. 2025ലെ സംഭവവികാസങ്ങളാണ് അന്വേഷണ സംഘം പ്രധാനമായി ചോദിച്ചതെന്നും, ബോർഡിന്റെ തീരുമാനങ്ങളും ഉത്തരവുകളും സംബന്ധിച്ചും വിശദമായ മൊഴിയെടുത്തതായും പ്രശാന്ത് അറിയിച്ചു.