കോഴിക്കോട് ഇരട്ടക്കൊലപാതക കേസിൽ പ്രതിയായ പ്രമോദിനെ പിടികൂടാനുള്ള പൊലീസ് പരിശ്രമം ശക്തമാക്കി. മരിച്ച സ്ത്രീകളുടെ സഹോദരനും പ്രതിയുമായ പ്രമോദിന് വേണ്ടി ചേവായൂർ പൊലീസ് ലുക്ക്‌ഔട്ട് നോട്ടീസ് പുറപ്പെടുവിച്ചതിനെ തുടർന്നാണ് തിരച്ചിൽ കൂടുതൽ ഊർജിതമായത്.Kozhikode double murder: Search intensified for brother
സിസിടിവി ദൃശ്യങ്ങളെ കേന്ദ്രീകരിച്ചാണ് അന്വേഷണം പുരോഗമിക്കുന്നത് എന്ന് പൊലീസ് അറിയിച്ചു. കൊലപാതകത്തിൽ കൂടുതൽ പേർക്ക് പങ്കുണ്ടോയെന്ന് കണ്ടെത്തുന്നതിനായി പരിശോധനയും നടക്കുന്നു.
ശനിയാഴ്ച പുലർച്ചെയായിരുന്നു സഹോദരിമാരെ മരിച്ച നിലയിൽ കണ്ടെത്തിയത്. സഹോദരിമാരിൽ ഒരാൾ മരിച്ചു എന്ന് സഹോദരനായ പ്രമോദ് ആദ്യം ബന്ധുക്കളെ അറിയിച്ചിരുന്നെങ്കിലും, പിന്നീട് സംഭവം കൊലപാതകമാണെന്ന് വ്യക്തമായി.
