എക്സാലോജിക്-സിഎംആര്എല് കേസില് വീണ വിജയന് ഉള്പ്പെടെയുള്ളവര്ക്കെതിരെ കുറ്റം നിലനില്ക്കും. ഇതുസംബന്ധിച്ച് എസ്എഫ്ഐഒ നല്കിയ പരാതി കോടതി സ്വീകരിച്ചിട്ടുണ്ട്. എറണാകുളം അഡീഷണല് സെഷന്സ് കോടതിയില് സമര്പ്പിച്ച പരാതിയാണ് കോടതി ഇപ്പോള് സ്വീകരിച്ചിരിക്കുന്നത്.
എസ്എഫ്ഐഒ എറണാകുളം അഡീഷണല് സെഷന്സ് കോടതി ഏഴില് നല്കിയ പരാതിയില് പ്രഥമദൃഷ്ട്യാ കുറ്റം നിലനില്ക്കും എന്ന് കണ്ടെത്തിയതിനെ തുടര്ന്നാണ് കോടതിയുടെ തീരുമാനം. ഇതേ തുടര്ന്ന് വീണ വിജയന് ഉള്പ്പെടെയുള്ളവര്ക്ക് സമന്സ് അയയ്ക്കും. വരുന്ന ആഴ്ച തന്നെ കേസില് തുടര് നടപടികളുണ്ടാകുമെന്നാണ് റിപ്പോര്ട്ടുകള്.
