പ്രമേഹം നിയന്ത്രിക്കുന്നതിൽ ഭക്ഷണത്തിനുള്ള പങ്ക് ഏറെ പ്രധാനമാണ്. പ്രമേഹ രോഗികള് അന്നജം കുറഞ്ഞ, ഗ്ലൈസെമിക് ഇൻഡക്സ് കുറഞ്ഞ ഭക്ഷണങ്ങള് തെരഞ്ഞെടുക്കുകയും വേണം.
പേരയ്ക്ക: ഗ്ലൈസെമിക് ഇൻഡക്സ് കുറഞ്ഞതും ഫൈബര് ധാരാളം അടങ്ങിയിരിക്കുന്നതുമായ പേരയ്ക്ക പ്രമേഹ രോഗികള്ക്ക് ധൈര്യമായി കഴിക്കാം.
പപ്പായ: നാരുകളും ആന്റി ഓക്സിഡന്റുകളും അടങ്ങിയ പപ്പായ കഴിക്കുന്നതും രക്തത്തിലെ പഞ്ചസാരയുടെ അളവ് കുറയ്ക്കാന് സഹായിക്കും.
ആപ്പിള്: ധാരാളം ഫൈബര് അടങ്ങിയിട്ടുള്ളതിനാല് രക്തത്തിലെ പഞ്ചസാരയുടെ അളവ് കുറയ്ക്കാന് ആപ്പിളും കഴിക്കാം.
സിട്രസ് പഴങ്ങള്: ഓറഞ്ച്, നാരങ്ങ തുടങ്ങിയ സിട്രസ് പഴങ്ങള് പൊതുവേ പ്രമേഹരോഗികള്ക്ക് കഴിക്കാവുന്നതാണ്.
പിയര് പഴം: നാരുകള് അടങ്ങിയതും ഗ്ലൈസെമിക് ഇൻഡക്സ് കുറഞ്ഞതുമായ പിയര് പഴം കഴിക്കുന്നതും പ്രമേഹ രോഗികള്ക്ക് ഗുണം ചെയ്യും.
പീച്ച്: കുറഞ്ഞ ഗ്ലൈസെമിക് സൂചികയും കുറഞ്ഞ കലോറിയും ഉള്ളതിനാല് പീച്ചും പ്രമേഹ രോഗികള്ക്ക് കഴിക്കാവുന്ന മികച്ച ഒരു പഴമാണ്.
