ചൈനയിലെ ഗ്വാങ്‌ഡോങ് പ്രവിശ്യയിൽ ചിക്കുൻഗുനിയയുടെ വ്യാപനം ശക്തമായി തുടരുകയാണ്. കോവിഡ്-19 കാലത്ത് സ്വീകരിച്ച അതിശക്ത നിയന്ത്രണങ്ങളുമായി സമാനമായ നടപടികൾക്കാണ് അധികൃതർ ആഹ്വാനം ചെയ്‌തിരിക്കുന്നത്. ബിബിസി റിപ്പോർട്ടു ചെയ്‌തതുപോലെ ജൂലൈ മാസത്തിൽ മാത്രം 7,000-ത്തിലധികം കേസുകൾ ഇതിനകം സ്ഥിരീകരിച്ചിരിക്കുകയാണ്.Chikungunya outbreak in Guangdong, China
രോഗം ഏറ്റവും രൂക്ഷമായി ബാധിച്ചിരിക്കുന്ന ഫോഷാൻ നഗരം മാത്രമായി കണക്കിലെടുത്താൽ, കഴിഞ്ഞ ആഴ്ചയിൽ മാത്രം ഏകദേശം 3,000 കേസുകളാണ് റിപ്പോർട്ട് ചെയ്‌തത്. രോഗബാധിതരോട് പരിശോധനാ ഫലം നെഗറ്റീവ് ആകുന്നത് വരെ ആശുപത്രിയിൽ തുടരാൻ നിർദേശം നൽകിയിട്ടുണ്ട്.
ഫോഷാനിലുപരി, പ്രവിശ്യയിലെ മറ്റും പന്ത്രണ്ടോളം നഗരങ്ങളിൽ കൂടി രോഗവ്യാപനം റിപ്പോർട്ട് ചെയ്‌തിരിക്കുന്നു. കൊതുക് പെരുകുന്ന ഇടങ്ങൾ ഉടൻ നശിപ്പിക്കാത്തതിന് ഹോട്ടലുകൾക്കും റെസ്റ്റോറന്റുകൾക്കും അധികൃതർ പിഴ ചുമത്തിയിട്ടുണ്ട്.
ചൈനയിൽ ചിക്കുൻഗുനിയയുടെ വ്യാപനം അപൂർവമാണെങ്കിലും നിലവിലെ സാഹചര്യം ആശങ്കപ്പെടുത്തുന്നതാണെന്ന് ആരോഗ്യവകുപ്പ് വ്യക്തമാക്കുന്നു. കൊതുക് നശീകരണ പ്രവർത്തനങ്ങൾ ശക്തമാക്കുന്നതോടൊപ്പം, വ്യക്തിഗതതലത്തിൽ സുരക്ഷാജാഗ്രതയും പാലിക്കണമെന്ന് അധികൃതർ പൊതുജനങ്ങളെ അറിയിച്ചിട്ടുണ്ട്.
