പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പിൽ മത്സരിക്കാൻ സമർപ്പിച്ച നാമനിർദേശ പത്രിക തള്ളിയതിനെതിരെ കോടതിയെ തേടാനൊരുങ്ങുകയാണ് നിർമ്മാതാവ് സാന്ദ്ര തോമസ്. ഇതിനെതിരെ എറണാകുളം സബ് കോടതിയിൽ ഹർജി സമർപ്പിക്കാനാണ് നീക്കം. ഇത് അനീതിയാണെന്നും, വിഷയം നിയമപരമായി നേരിടുമെന്നും സാന്ദ്ര മാധ്യമങ്ങളോട് പ്രതികരിച്ചു.Producers Association nomination rejected: Sandra Thomas prepares to approach court
പ്രസിഡന്റും ട്രഷററും എക്സിക്യൂട്ടീവ് മെമ്പറുമായ മൂന്ന് സ്ഥാനങ്ങളിലേക്കാണ് സാന്ദ്ര പത്രിക സമർപ്പിച്ചത്. എന്നാൽ ട്രഷററുമായ സ്ഥാനങ്ങളിലേക്കുള്ള പത്രികകളാണ് പ്രൊഡ്യൂസേഴ്സ് അസോസിയേഷൻ വരണാധികാരി തള്ളിയത്. സാങ്കേതിക കാരണങ്ങൾ ചൂണ്ടിക്കാട്ടിയാണ് ഈ നടപടി.
തന്റെ പത്രിക തള്ളിയത് ഗൂഢാലോചനയുടെ ഭാഗമാണെന്ന് സാന്ദ്ര ആരോപിക്കുന്നു. അസോസിയേഷനിലെ ആസ്ഥാന സ്വാധീനികളായ സിയാദ് കോക്കറും സുരേഷ് കുമാറും ചേർന്നാണ് ഗുണ്ടായിസത്തിന് നേതൃത്വം നൽകിയതെന്ന് സാന്ദ്ര പറഞ്ഞു. ഇക്കാര്യം എല്ലാവരും കണ്ട് മനസിലാക്കിയതാണെന്നും അവര്‍ കൂട്ടിച്ചേർത്തു.
ഈ മാസം 14നാണ് പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പ് നടക്കുന്നത്.സാന്ദ്ര പത്രിക സമർപ്പിച്ചത് ചില നിബന്ധനകൾ പാലിക്കാത്തതുകൊണ്ടാണ് തള്ളിയതെന്നു വരണാധികാരിയുടെ വാദം. തെരഞ്ഞെടുപ്പിൽ മത്സരിക്കാൻ നിർമ്മാതാവിന് സ്വതന്ത്രമായി നിർമ്മിച്ച മൂന്നു സിനിമകളുടെ സെൻസർ സർട്ടിഫിക്കറ്റ് ആവശ്യമായിരുന്നുവെന്നും, സ്വന്തം പേരിലുള്ള ബാനർ ഉണ്ടാകണം എന്നുമാണ് അസോസിയേഷന്റെ നിബന്ധന.
എന്നാൽ, “അംഗത്വം ലഭിക്കുമ്പോൾ തന്നെ ഞാൻ ഈ മാനദണ്ഡങ്ങൾ പാലിച്ചിരുന്നതിനാൽ, ഇപ്പോൾ പത്രിക തള്ളുന്നത് നീതികേടാണ്,” എന്നും, “നാൻ റെഗുലർ മെമ്പറാണ്, ഒൻപത് സിനിമകൾ എന്റെ പേരിൽ സെൻസർ ചെയ്തിട്ടുണ്ട്” എന്നും സാന്ദ്ര തോമസ് വ്യക്തമാക്കി.
