‘ആക്ഷൻ ഹീറോ ബിജു 2’ സിനിമയുടെ നിർമ്മാണവുമായി ബന്ധപ്പെട്ട സാമ്പത്തിക തട്ടിപ്പ് പരാതിയിലുടേയും വിവാദത്തിലുടേയും പശ്ചാത്തലത്തിൽ നടൻ നിവിൻ പോളിക്ക് പൊലീസ് നോട്ടീസ് അയച്ചു. തലയോലപ്പറമ്പ് പൊലീസ് ആണ് നോട്ടീസ് അയച്ചത്. സംവിധായകൻ എബ്രിഡ് ഷൈനിനും ഇതേപോലെ പൊലീസ് നോട്ടീസ് ലഭിച്ചിട്ടുണ്ട്. ഇരുവരെയും ഈ ആഴ്ചക്കുള്ളിൽ ചോദ്യം ചെയ്യാനാണ് നടപടി.Financial fraud complaint; Police notice issued to Nivin Pauly
സിനിമ നിർമ്മാണത്തിൽ പങ്കാളിയായ പി.എസ്. ഷംനാസ് നൽകിയ പരാതിയിലാണ് നടപടി. ‘മഹാവീര്യർ’ എന്ന ചിത്രത്തിൽ സഹനിർമാതാവായ ഷംനാസിൽ നിന്ന് ഒരു കോടി 95 ലക്ഷം രൂപ വാങ്ങിയ ശേഷം, ‘ആക്ഷന്‍ ഹീറോ ബിജു 2’ എന്ന സിനിമയുടെ വിതരണാവകാശം മറ്റൊരാൾക്ക് നൽകി തട്ടിപ്പിന്റെ ശ്രമം നടന്നെന്നാണ് ആരോപണം. ഗള്‍ഫിലെ വിതരണക്കാരനില്‍ നിന്ന് മുന്‍കൂറായി നിവിന്‍ പോളിയുടെ പോളി ജൂനിയര്‍ എന്ന കമ്പനി രണ്ട് കോടി കൈപ്പറ്റി എന്നും ആരോപണമുണ്ട്.
പരാതി വന്നതിന് പിന്നാലെ തന്നെ പ്രതികരണവുമായി നിവിന്‍ പോളികൂടാതെ ഗൾഫിലെ വിതരണക്കാരനിൽ നിന്ന് പോളി ജൂനിയര്‍ എന്ന നിവിന്‍ പോളിയുടെ കമ്പനി രണ്ട് കോടി രൂപ മുൻകൂറായി വാങ്ങിയതും പരാതിയിൽ ഉൾപ്പെട്ടിരിക്കുന്നു.
പരാതിയെത്തുടർന്ന് നിവിൻ പോളി പ്രതികരണവുമായി രംഗത്തെത്തിയിരുന്നു. സാമ്പത്തിക തര്‍ക്കവുമായി ബന്ധപ്പെട്ട കേസ് ഇപ്പോൾ കോടതിയുടെ നിർദേശപ്രകാരം ഒത്തുതീർപ്പ് ചർച്ചയിലാണെന്നും, ഈ സാഹചര്യത്തിൽ പുതിയ നിയമനടപടി തുടങ്ങുന്നത് വാസ്തവങ്ങൾ വളച്ചൊടിക്കുന്നതായും, തങ്ങൾക്ക് എല്ലാ നിയമ നടപടികളുമായി മുന്നോട്ടുപോകുമെന്നും നിവിന്‍ പോളി വ്യക്തമാക്കി.
