പോപ്പ് കിങ് മൈക്കിൾ ജാക്സന്റെ ജീവിതത്തെ ആസ്പദമാക്കി സിനിമ ഒരുങ്ങുന്നു. അദ്ദേഹത്തിന്റെ ജീവിതവും സംഗീതയാത്രയും ആസ്പദമാക്കിയുള്ള ബയോപിക് സിനിമ ‘മൈക്കൽ’ 2026 ഏപ്രിൽ 24-ന് ലോകമെമ്പാടും റിലീസ് ചെയ്യും. മുമ്പ് 2025 ഒക്ടോബറിലായിരുന്നു റിലീസ് നിശ്ചയിച്ചിരുന്നത്, എന്നാൽ അത് മാറ്റി വച്ചിരിക്കുകയാണ്.Michael Jackson’s ‘Michael’ hits theaters
ചിത്രം സംവിധാനം ചെയ്യുന്നത് പ്രശസ്ത സംവിധായകനായ ആന്റോയിൻ ഫുക്വയാണ്. തിരക്കഥ ഒരുക്കുന്നത് “ഗ്ലാഡിയേറ്റർ” ഫെയിം ജോൺ ലോഗൻ. ഓസ്കാർ ജേതാവും “ദി ഡിപ്പാർട്ടഡ്” എന്ന സിനിമയുടെ നിർമ്മാതാവുമായ ഗ്രഹാം കിംഗ് ആണ് ചിത്രത്തിന്റെ നിർമ്മാണം നിർവഹിക്കുന്നത്. വേറൈറ്റിയുടെ റിപ്പോർട്ടിലാണ് ഈ വിവരം അറിയിച്ചത്.
മൈക്കലിന്റെ കഥാപാത്രമായി അഭിനയിക്കുന്നത് അദ്ദേഹത്തിന്റെ അനന്തരവനും ചെറുമകനുമായ ജാഫർ ജാക്‌സനാണ്. 2019-ൽ തുടങ്ങിയ ചർച്ചകൾക്ക് ശേഷം, ചിത്രത്തെ രണ്ട് ഭാഗങ്ങളായി ഒരുക്കാമെന്ന ആലോചനകളും നടന്നിരുന്നു.
ജാക്സന്റെ കുടുംബത്തിന്റെ ഔദ്യോഗിക അനുമതിയോടെ നിർമ്മിക്കപ്പെടുന്ന ചിത്രമായതിനാൽ, അദ്ദേഹത്തിന്റെ യഥാർത്ഥ ഗാനങ്ങളും വിഡിയോയും ചിത്രത്തിൽ ഉൾപ്പെടുത്താൻ കഴിയും. അതേസമയം, കരിയറിൽ ഉണ്ടായിരുന്ന വിവാദങ്ങൾ ചിത്രം ഒഴിവാക്കുമെന്ന് സ്ലാഷ്ഫിലിമിന്റെ റിപ്പോർട്ടിൽ സൂചിപ്പിക്കുന്നു. ചിത്രീകരണം ഈ വർഷം ആരംഭിക്കുമെന്നുമാണ് ലഭ്യമായ വിവരം.
