നീന്തൽ കുളത്തിൽ രണ്ട് കുട്ടികൾ മുങ്ങി മരിച്ചു

തിരുവനന്തപുരം: നെടുമങ്ങാട് – വേങ്കവിള റോഡിലെ ആനാട് ഗ്രാമപഞ്ചായത്തിന്റേത് ആയ നീന്തൽ പരിശീലന കുളത്തിൽ കുളിക്കാനിറങ്ങിയ രണ്ട് കുട്ടികൾ മുങ്ങിമരിച്ചു. കൂശർകോട് സ്വദേശികളായ ആരോമൽ (13)യും ഷിനിൽ (14)യും ആണ് മരിച്ചത്.Two children drown in swimming pool

അപകടം ഇന്ന് ഉച്ചയ്ക്ക് ഒന്നരയോടെയാണ് നടന്നത്. സാധാരണയായി രാവിലെയും വൈകിട്ടും മാത്രമാണ് ഇവിടെ ഔദ്യോഗികമായി നീന്തൽ പരിശീലനം നടക്കുന്നത്. എന്നാൽ കുട്ടികൾ ഉച്ചയ്ക്ക് അനധികൃതമായി കുളത്തിലേക്ക് ഇറങ്ങിയതായാണ് റിപ്പോർട്ട്.

ശബ്ദം കേട്ട് ഓടിയെത്തിയ നാട്ടുകാരാണ് കുട്ടികളെ ഉടൻ ആശുപത്രിയിലേക്ക് മാറ്റിയത്. എന്നാൽ ജീവൻ രക്ഷിക്കാൻ സാധിച്ചില്ല. ഇരുവരുടെയും മൃതദേഹം നെടുമങ്ങാട് ജില്ലാ ആശുപത്രിയിൽ സൂക്ഷിച്ചിരിക്കുകയാണ്.