ഇന്ത്യൻ ആർമിയിൽ 2025 2026 തിരഞ്ഞെടുപ്പിനുള്ള രജിസ്ട്രേഷൻ ആരംഭിച്ചു .അഗ്നിവീർ ജനറൽ ഡ്യൂട്ടി, അഗ്നിവീർ ടെക്‌നിക്കൽ, അഗ്നിവീർ ക്ലാർക്ക്/ സ്റ്റോർകീപ്പർ ടെക്നീഷ്യൻ, അഗ്നിവീർ ട്രേഡ്‌സ്മാൻ, എന്നീ വിഭാഗങ്ങളിലേക്കാണ് തെരഞ്ഞെടുപ്പ് . അവിവാഹിതരായ പുരുഷന്മാർക്കാണ് അവസരം. എട്ടാം ക്ലാസ്, പത്താം ക്ലാസ്, 12 ക്ലാസ് യോഗ്യതയുള്ളവർക്ക് അപേക്ഷിക്കാം . പരീക്ഷ 2025 ജൂണിൽ ആരംഭിക്കും.
പ്രായം: പതിനേഴര- ഇരുപത്തിയൊന്ന് വയസ്സ്. അപേക്ഷകർ 2004 ഒക്ടോബർ ഒന്നിനും 2008 ഏപ്രിൽ ഒന്നിനും ഇടയിൽ (രണ്ട് തീയതികളും ഉൾപ്പെടെ) ജനിച്ചവരായിരിക്കണം.
അപേക്ഷ: www.joinindianarmy.nic.in ൽ ലോഗിൻ ചെയ്താണ് അപേക്ഷിക്കേണ്ടത്. അപേക്ഷ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലുള്ളവർ തിരുവനന്തപുരത്തെ ആർമി റിക്രൂട്ട്മെന്റ് ഓഫീസിന് കീഴിലും തൃശ്ശൂർ, പാലക്കാട്, മലപ്പുറം, വയനാട് ,കോഴിക്കോട്, കണ്ണൂർ ,കാസർകോട് ജില്ലകളിൽ ഉള്ളവരും മാഹി ,ലക്ഷദ്വീപ് നിവാസികളും കാലിക്കറ്റ് ആർമി ഓഫീസുകളിൽ ആണ് ഉൾപ്പെടുക .അത് ഓഫീസുകളിലെ വിജ്ഞാപനം വെബ്സൈറ്റിൽ ചേർത്തിട്ടുണ്ട് .അപേക്ഷയിൽ ആധാർ നമ്പർ നൽകണം.
അവസാന തീയതി: ഏപ്രിൽ 10. ഹെൽപ്പ് ലൈൻ നമ്പറുകൾ: കോഴിക്കോട് -0495 2383953, തിരുവനന്തപുരം: 0471 2356236.
ആർമിയിൽ വനിതകൾക്കായി നടത്തുന്ന അഗ്നിവീർ തിരഞ്ഞെടുപ്പിന് അപേക്ഷ ക്ഷണിച്ചു.
വിമെൻ മിലിട്ടറി പോലീസിലെ ജനറൽ ഡ്യൂട്ടി വിഭാഗത്തിലേക്കാണ് തിരഞ്ഞെടുപ്പ്. ഓൺലൈൻ ആയുള്ള കമ്പ്യൂട്ടർ അധിഷ്ഠിത എഴുത്തു പരീക്ഷയും അതിൽ നിന്ന് തിരഞ്ഞെടുക്കുന്നവർക്ക് റിക്രൂട്ട്മെന്റ് റാലിയും ഉണ്ടാവും. 2025 ജൂണിൽ പരീക്ഷ ആരംഭിക്കും.
യോഗ്യത :പത്താം ക്ലാസ് വിജയം 5 അടിസ്ഥാന വിഷയങ്ങളിൽ ഓരോന്നിനും 33 ശതമാനം മാർക്കും ആകെ 45% മാർക്കും ഉണ്ടായിരിക്കണം .ഗ്രേഡിങ് സിസ്റ്റത്തിൽ പഠിച്ചവർ ഇതിൽ തുല്യമായ ഗ്രേഡ് നേടിയിരിക്കണം. ലൈറ്റ് മോട്ടോർ വെഹിക്കിൾ ഡ്രൈവിംഗ് ലൈസൻസ് ഉള്ളവർക്ക് മുൻഗണന ലഭിക്കും .അപേക്ഷകർ അവിവാഹിതരായിരിക്കണം .എന്നാൽ കുട്ടികൾ ഇല്ലാത്ത വിധവകൾക്കും വിവാഹമോചിതർക്കും അപേക്ഷിക്കാം.
പ്രായം :17 -21 വയസ്സ് . അപേക്ഷകർ 20024 ഒക്ടോബർ ഒന്നിനും 2008 ഏപ്രിൽ ഒന്നിനും ഇടയിൽ ജനിച്ചവർ ആയിരിക്കണം. സർവീസിൽ ഇരിക്കെ മരണപ്പെട്ട സൈനികരുടെ വിധവകൾക്ക് 30 വയസ്സുവരെ ഇളവ് ലഭിക്കും.
അപേക്ഷ : ബംഗ്ലൂരിലെ സോണൽ ഓഫീസിന് കീഴിലാണ് കേരളത്തിലെയും മാഹിയിലെയും ലക്ഷദ്വീപിലെയും അപേക്ഷകർ ഉൾപ്പെടുന്നത്.
വിശദവിവരങ്ങളടങ്ങിയ വിജ്ഞാപനം www.joinindianarmy.nic.in ൽ അതത് സോണൽ ഓഫീസ് തിരിച്ച് പ്രസിദ്ധീകരിച്ചിട്ടുണ്ട്. അവസാന തീയതി: ഏപ്രിൽ 10.
