കൊച്ചി: വിവിധ ആവശ്യങ്ങൾ ഉന്നയിച്ച് സെക്രട്ടറിയേറ്റിന് മുമ്പിൽ സമരം ചെയ്യുന്ന ആശാവർക്കർമാരുടെ സമരം അമ്പത് ദിവസം പിന്നിടുകയാണ്.നിരാഹാരം കിടന്നും , മുടിമുറിച്ചും സെക്രട്ടറിയേറ്റിന് മുമ്പിൽ തങ്ങളുടെ പ്രതിഷേധം രേഖപ്പെടുത്തുകയാണ് ആശമാർ.ഇപ്പോഴിതാ വ്യവസായ മന്ത്രി പി രാജീവ് റംസാൻ നോമ്പാചരണത്തിന്റെ ഭാഗമായി പള്ളിക്ക് എത്തിച്ചു നൽകിയ ഈന്തപ്പഴ പാക്കറ്റ് സമരം ചെയുന്ന ആശാപ്രവർത്തക്കാർക്ക് പെരുനാൾ ദിനമായ ഇന്ന് എത്തിക്കാൻ ഒരുങ്ങിയാതായി കളമശേരി അൽഹുദാ മസ്ജിദ് പ്രസിഡന്റ് എൻ എ മുഹമ്മദ് കുട്ടി അറിയിച്ചു. പെരുനാൾ ദിനത്തിൽ ഒരാൾ പോലും പട്ടിണി കിടക്കരുതെന്നാണ് വിശ്വാസമെന്നും സെക്രട്രിയേറ്റ് നടയിൽ ആശാപ്രവർത്തകർ നിരാഹാരം കിടക്കുകയാണെന്നും എൻ എ മുഹമ്മദ്കുട്ടി പറഞ്ഞു.
