ഊട്ടി: ഊട്ടിയില് ആദിവാസി യുവാവിനെ പുലി കടിച്ചുകൊന്നു. തോഡർഗോത്രത്തിൽപ്പെട്ട കേന്തർകുട്ടൻ (41) ആണ് മരിച്ചത്. ജില്ലയിലെ ഗവർണർസോലയ്ക്ക് സമീപമാണ് ആക്രമണം നടന്നത്.
കന്നുകാലികളുമായി വനമേഖലയിലേക്ക് എത്തിയ കേന്തര്ക്കുട്ടന് നേരെ പുലിയുടെ ആക്രമണം ഉണ്ടാവുകയായിരുന്നു. ഇയാളുടെ മൃതദേഹത്തിന്റെ പകുതിയും പുലി ഭക്ഷിച്ച നിലയിലായിരുന്നു. വനംവകുപ്പും പൊലീസും റവന്യൂ വകുപ്പും സ്ഥലത്തെത്തി പരിശോധന നടത്തി. നേരത്തേയും കൊല്ലക്കോട് ജനവാസ മേഖലയിൽ പുലി, കടുവ തുടങ്ങിയ വന്യമൃഗങ്ങളുടെ സാന്നിധ്യമുള്ളതായി നാട്ടുകാർ പരാതിപ്പെട്ടിരുന്നു. ഇതിന് പിന്നാലെയാണ് പുലിയുടെ ആക്രമണത്തില് ഒരാള് മരണപ്പെട്ടിരിക്കുന്നത്.
