അന്താരാഷ്ട്ര ബഹിരാകാശ നിലയത്തിൽ നിന്ന് ക്രൂ-9 സംഘം ഭൂമിയില് മടങ്ങിയെത്തിയിരിക്കുകയാണ്. നാസയുടെ നിക് ഹേഗ്, സുനിത വില്യംസ്, ബുച്ച് വിൽമോർ എന്നിവരും റഷ്യൻ കോസ്മനോട്ട് അലക്സാണ്ടർ ഗോർബുനോവുമാണ് സംഘത്തിലുണ്ടായിരുന്നത്.
ഒമ്പത് മാസക്കാലം അന്താരാഷ്ട്ര ബഹിരാകാശ നിലയത്തില് ചെലവഴിച്ചാണ് സുനിത വില്യംസും ബുച്ച് വില്മോറും ഭൂമിയിൽ തിരിച്ചെത്തിയത്. 286 ദിവസം നീണ്ട ദൗത്യത്തില് സുനിതയും ബുച്ചും 121,347,491 മൈലുകള് താണ്ടി, ഭൂമിയെ 4,576 തവണ വലംവെച്ചു. അതേസമയം 171 ദിവസം ഐഎസ്എസിലുണ്ടായിരുന്ന നിക് ഹേഗും അലക്സാണ്ടര് ഗോര്ബുനോവും 72,553,920 മൈല് യാത്ര ചെയ്യുകയും 2,736 തവണ ഭൂമിയെ വലംവെക്കുകയും ചെയ്തു.
