തിരുവനന്തപുരം: വയനാട് ഉരുൾപൊട്ടൽ ദുരന്തബാധിതരുടെ പുനരധിവാസത്തിൻ്റെ ഭാഗമായി നിർമ്മിക്കുന്ന ടൗൺഷിപ്പിന് മാർച്ച് 27ന് മുഖ്യമന്ത്രി പിണറായി വിജയൻ തറക്കല്ലിടും അറിയിച്ചു . റവന്യു മന്ത്രി കെ രാജനാണ് ഇത് സംബന്ധിച്ച വിവരങ്ങൾ നിയമസഭയെ അറിയിച്ചത്. നിർമ്മാണം വേഗത്തിൽ പൂർത്തിയാക്കുമെന്നും മന്ത്രി കെ രാജൻ അറിയിച്ചു.
ആരാണ് കടം എഴുതിത്തള്ളാന് തീരുമാനമെടുക്കേണ്ടതെന്ന് ചോദിച്ച മന്ത്രി കെ രാജൻ മുഖ്യമന്ത്രി പിണറായി വിജയന് ബാങ്കുകളോട് ഇക്കാര്യം ആവശ്യപ്പെട്ടിരുന്നുവെന്നും വ്യക്തമാക്കി. കേരള ബാങ്ക് കൃത്യമായ രീതിയില് ആ ബാങ്കില് കടം ഉണ്ടായിരുന്നവരുടെ കടങ്ങളെല്ലാം ഒരു മാസത്തിനുള്ളില് എഴുതിത്തള്ളിയെന്നും ഇതാണ് സംസ്ഥാനത്തിന് ചെയ്യാന് സാധിക്കുന്നതെന്നും മന്ത്രി നിയമസഭയില് വ്യക്തമാക്കി.
