ഇക്കഴിഞ്ഞ ഫെബ്രുവരി പന്ത്രണ്ടിനായിരുന്നു പത്താം ക്ലാസ് വിദ്യാര്ത്ഥിനിയായ പൈവളിഗ സ്വദേശിയായ പ്രിയേഷ്-പ്രഭാവതി ദമ്പതികളുടെ മകളായ ശ്രേയയെ കാണാതായത്
കാസര്കോട്: കാസര്കോട് പൈവളിഗയില് നിന്ന് കാണാതായ പെണ്കുട്ടിയേയും യുവാവിനേയും വീടിനടുത്തെ ഗ്രൗണ്ടിന് സമീപം കാടുപിടിച്ച പ്രദേശത്ത് മരിച്ച നിലയില് കണ്ടെത്തി. 15കാരി ശ്രേയ, ഇവരുടെ അയൽവാസിയായ പ്രദീപ് (42) എന്നിവരെയാണ് തൂങ്ങി മരിച്ച നിലയിൽ കണ്ടെത്തിയത്. സമീപത്തുനിന്ന് രണ്ടുപേരുടെയും മൊബൈൽ ഫോണുകളും കണ്ടെത്തി. പെണ്കുട്ടിയെ കാണാതായ സംഭവത്തിൽ അന്വേഷണം നടക്കുന്നതിനിടെയാണ് ഇവരെ മരിച്ച നിലയിൽ കണ്ടെത്തിയത്.
ഇക്കഴിഞ്ഞ ഫെബ്രുവരി പന്ത്രണ്ടിനായിരുന്നു പത്താം ക്ലാസ് വിദ്യാര്ത്ഥിനിയായ പൈവളിഗ സ്വദേശിയായ പ്രിയേഷ്-പ്രഭാവതി ദമ്പതികളുടെ മകളായ ശ്രേയയെ കാണാതായത്. തങ്ങള് ഉറക്കമുണര്ന്നപ്പോള് മകള് വീട്ടില് ഉണ്ടായിരുന്നില്ലെന്നാണ് പിതാവ് പൊലീസിന് നല്കിയ പരാതിയില് വ്യക്തമാക്കിയിരുന്നത്. ഇതിന്റെ അടിസ്ഥാനത്തില് പൊലീസ് നടത്തിയ അന്വേഷണത്തില് ഫെബ്രുവരി പന്ത്രണ്ടിന് പുലര്ച്ചെ മൂന്നരയോടെ പെണ്കുട്ടിയെ കാണാതായതെന്നും മൊബൈല് ഫോണ് മാത്രമായിരുന്നു പെണ്കുട്ടിയുടെ കൈവശമുണ്ടായിരുന്നതെന്നും വ്യക്തമായി. പെണ്കുട്ടിക്കൊപ്പം കാണാതായ പ്രദീപിനെതിരെ ആരോപണവുമായി മാതാപിതാക്കള് രംഗത്തെത്തിയിരുന്നു. പൈവളിഗയിലെളാണ് ശ്രേയ.
ഇതേ ദിവസം തന്നെയായിരുന്നു പ്രദേശവാസിയായ 42കാരനായ ഓട്ടോറിക്ഷാ ഡ്രൈവറെയും കാണാതായത്. ഇരുവര്ക്കും വേണ്ടി പൊലീസ് അന്വേഷണം വ്യാപിപ്പിച്ചിരുന്നു. ഡ്രോണ് അടക്കമുള്ളവ ഉപയോഗിച്ച് പരിശോധന നടത്തിയിരുന്നു. ഏക്കറുകളോളം വ്യാപിപ്പിച്ചുകിടക്കുന്ന പ്രദേശമാണിത്. തോട്ടത്തിലെ ഉള്ഭാഗങ്ങളിലാണ് കൂടുതൽ തെരച്ചിൽ നടത്തിയിരുന്നതെന്നും നേരത്തെ ഈ ഭാഗത്ത് തെരച്ചിൽ കാര്യമായി നടത്തിയിരുന്നില്ലെന്നും പൊലീസ് പറഞ്ഞു. ഇരുവരുടെയും മൊബൈൽ ഫോണുകള് സ്വിച്ച് ഓഫായത് ഒരേയിടത്തുനിന്നായിരുന്നു. ഇത് കേന്ദ്രീകരിച്ച് ഇന്ന് രാവിലെ മുതൽ 52 അംഗ പൊലീസ് സംഘവും നാട്ടുകാരുമടക്കം വ്യാപക തെരച്ചിൽ നടത്തിവരുന്നതിനിടെയാണ് ഇരുവരെയും മരിച്ച നിലയിൽ കണ്ടെത്തിയത്. പൈവളിഗ മണ്ടെക്കാപ്പ് ഗ്രൗണ്ടിന് സമീപത്തെ തോട്ടത്തിലെ അക്കേഷ്യ മരത്തിൽ തൂങ്ങി മരിച്ച നിലയിലാണ് പെണ്കുട്ടിയെയും യുവാവിനെയും കണ്ടെത്തിയത്. മൃതദേഹത്തിന് സമീപത്ത് നിന്ന് മൊബൈൽ ഫോണും കത്തിയുമടക്കം കണ്ടെടുത്തു. പൊലീസ് ഇന്ക്വസ്റ്റ് നടപടികള് ആരംഭിച്ചു.
