രഞ്ജി ട്രോഫി ക്രിക്കറ്റ് ഫൈനലില് തുടക്കത്തിലെ ബാറ്റിംഗ് തകര്ച്ചയില് നിന്ന് തിരിച്ച് കയറി കേരളം. വിദര്ഭയെ 379 ല് പിടിച്ചുകെട്ടി ആവേശത്തില് ഒന്നാം ഇന്നിംഗ്സ് ബാറ്റിംഗിനിറങ്ങിയ കേരളത്തിന് ആദ്യ ഓവറില് തന്നെ തിരിച്ചടിയേറ്റത്. ഓപ്പണര്മാരായ രോഹന് കുന്നുമ്മലിന്റെയും അക്ഷയ് ചന്ദ്രന്റെയും വിക്കറ്റുകളാണ് കേരളത്തിന് ആദ്യം തുടക്കത്തിലെ നഷ്ടമായത്. 33 റൺസുമായി അഹമ്മദ് ഇമ്രാൻ പ്രതിരോധിച്ചെങ്കിലും യാഷ് താക്കൂറിന്റെ പന്തിൽ കടുങ്ങുകയായിരുന്നു.
നാലാം നമ്പറില് ക്യാപ്റ്റന് സച്ചിന് ബേബിക്ക് പകരം ഇറങ്ങിയ മുന് വിദര്ഭ താരം കൂടിയായ ആദിത്യ സര്വാതെ പിടിച്ചു നിന്നു. ഒടുവില് വിവരം ലഭിക്കുമ്പോള് കേരളം മൂന്ന് വിക്കറ്റ് നഷ്ടത്തില് 110 റണ്സെന്ന നിലയിലാണ്. 53 റണ്സുമായി ആദിത്യ സര്വാതെയും 4 റൺസുമായി ക്യാപ്റ്റൻ സച്ചിൻ ബേബിയുമാണ് ക്രീസില്.
നേരത്തെ നാല് വിക്കറ്റിന് 254 റൺസെന്ന നിലയിൽ രണ്ടാം ദിനം ബാറ്റിംഗ് പുനരാരംഭിച്ച വിദര്ഭെ 379 റണ്സിന് പുറത്താക്കിയാണ് കേരളം ശക്തമായി തിരിച്ചുവന്നത്. മൂന്ന് വിക്കറ്റ് വീതം വീഴ്ത്തിയ എം ഡി നിധീഷും ഏദന് ആപ്പിൾ ടോമും രണ്ട് വിക്കറ്റെടുത്ത എന് പി ബേസിലും ഒരു വിക്കറ്റെടുത്ത ജലജ് സക്സേനയുമാണ് കേരളത്തിന്റെ തിരിച്ചുവരവിന് നേതൃത്വം നല്കിയത്.
