നിലമ്പൂർ: നിലമ്പൂർ നിയമസഭാ ഉപതിരഞ്ഞെടുപ്പിൽ യുഡിഎഫ് സ്ഥാനാർത്ഥി ആര്യാടൻ ഷൗക്കത്ത് തങ്ങളുടെ നാമനിർദേശ പത്രിക സമർപ്പിച്ചു. നിലമ്പൂർ താലൂക്ക് ഓഫീസിൽ വച്ചായിരുന്നു പത്രികാ സമർപ്പണം. കെപിസിസി പ്രവർത്തക പ്രസിഡന്റായ എ.പി. അനിൽകുമാർ, മുസ്ലിം ലീഗ് രാജ്യസഭാംഗം അബ്ദുൽ വഹാബ് തുടങ്ങിയ പ്രമുഖ നേതാക്കൾ അദ്ദേഹത്തിനൊപ്പം ഉണ്ടായിരുന്നു .
പത്രിക സമർപ്പണത്തിന് വലിയ രീതിയിലുള്ള ജനപങ്കാളിത്തം ഉണ്ടായിരുന്നു. ആര്യാടൻ ഷൗക്കത്തിനെ അനുഗമിച്ച് നിരവധിയാളുകൾ താലൂക്ക് ഓഫീസ് പരിസരത്ത് എത്തിച്ചേർന്നിരുന്നു. അതേസമയം, പരിപാടിക്കിടെ യുഡിഎഫ്, എൽഡിഎഫ് പ്രവർത്തകരുടെ ഇടയിൽ ചെറിയ തോതിൽ വാക്കുതർക്കം ഉണ്ടായി.
എൽഡിഎഫ് സ്ഥാനാർത്ഥിയായ എം. സ്വരാജ് നിലമ്പൂരിൽ എത്തിയപ്പോൾ എൽഡിഎഫ് പ്രവർത്തകർ സ്വീകരണ ചടങ്ങ് ഒരുക്കിയിരുന്നു. ഇതിന്റെ പശ്ചാത്തലത്തിൽ യുഡിഎഫിന്റെ പ്രകടനം നടന്നതായിരുന്നു. സംഘര്‍ഷം അതിനിടെയാണ് ഉണ്ടായത്.
തിരഞ്ഞെടുപ്പ് പ്രഖ്യാപനം നടന്നതിന് പിന്നാലെ പ്രചാരണത്തിന്റെ പ്രാഥമിക ഘട്ടം പൂര്‍ത്തിയാക്കിയശേഷമാണ് ആര്യാടൻ ഷൗക്കത്ത് നാമനിർദേശ പത്രിക സമർപ്പിച്ചത്. എൽഡിഎഫ് സ്ഥാനാർത്ഥിയുടെ പ്രഖ്യാപനം അൽപ്പം വൈകിയാണ് നടന്നന്നത്.
