ജക്കാർത്ത: ഭാരതത്തിന്റെ ശക്തിയും സൗന്ദര്യവും അതിലെ മത സാഹോദര്യമാണെന്നും രാജ്യ താത്പര്യത്തിനായി ഇന്ത്യക്കാർ എപ്പോഴും ഐക്യത്തോടെ പ്രവർത്തിക്കുമെന്നും ജോൺ ബ്രിട്ടാസ് എംപി പറഞ്ഞു. ഓപ്പറേഷൻ സിന്ദൂർ വിശദീകരിക്കുന്നതിന്റെ ഭാഗമായി ഇന്തോനേഷ്യയിലെത്തിയ ഇന്ത്യൻ പ്രതിനിധി സംഘത്തിലെ അംഗമായ അദ്ദേഹം ജക്കാർത്തയിലെ ചടങ്ങിൽ സംസാരിക്കുകയായിരുന്നു.
പ്രതിനിധി സംഘത്തിലെ രാഷ്ട്രീയ വ്യത്യാസങ്ങളുണ്ടായിരുന്നെങ്കിലും, തങ്ങൾ ഒറ്റ ദൗത്യത്തിലാണെന്നും അതാണ് ഇന്ത്യയുടെ സാംസ്കാരിക പാരമ്പര്യത്തെ Iപ്രതിനിധീകരിക്കുന്നതെന്നും ബ്രിട്ടാസ് പറഞ്ഞു. “മൂന്ന് കക്ഷികൾ ഭരണപക്ഷത്തിനെതിരെ നിലകൊള്ളുന്നവയായിട്ടും ഇവിടെ എല്ലാവരും ഒരേ ലക്ഷ്യത്തിനായി കൂടിച്ചേരുന്നു. ഇന്ത്യയുടെ ശാക്തിയും അതിന്റേതായ പ്രത്യേകതയും ഇതിലാണുള്ളത്,” അദ്ദേഹം വിശദീകരിച്ചു.
ഇന്ത്യയെ മതേതര ജനാധിപത്യമായി വിശേഷിപ്പിച്ച ബ്രിട്ടാസ്, പാകിസ്ഥാനുമായി ഇന്ത്യയുടെ നിലപാടിനെ താരതമ്യപ്പെടുത്തി. “ഒരു രാജ്യമായ് പാകിസ്ഥാൻ മതത്തെ അടിസ്ഥാനമാക്കിയാണ് മുന്നേറിയത്. എന്നാൽ ഇന്ത്യ മതസൗഹാർദ്ദം നിലനിർത്തികൊണ്ട് സ്വന്തമായൊരു വഴിയാണ് തിരഞ്ഞെടുത്തത്,” അദ്ദേഹം പറഞ്ഞു. ഇന്തോനേഷ്യയ്ക്ക് പിന്നാലെ ലോകത്തിൽ ഏറ്റവും കൂടുതൽ മുസ്ലിം ജനസംഖ്യയുള്ള രാജ്യമായി ഇന്ത്യ സ്ഥിതിചെയ്യുന്നതാണ് ഇന്ത്യയുടെ വൈവിധ്യത്തിൽ ഏകതയെ തെളിയിക്കുന്നതെന്ന് അദ്ദേഹം കൂട്ടിച്ചേർത്തു.
ഓപ്പറേഷൻ സിന്ദൂർ വിശദീകരിക്കാൻ എത്തിയത് കേണൽ സോഫിയ ഖുറേഷി, വിക്രം മിസ്ര, വിങ് കമാണ്ടർ വ്യോമിക സിങ് എന്നിവരായിരുന്നു. “ഇതാണ് ഇന്ത്യയുടെ യഥാർത്ഥ മുഖം. ഭീകരവാദം ഇന്ത്യയെ മാത്രം ബാധിക്കുന്ന പ്രശ്നമാണെന്നു കരുതുന്നത് തെറ്റായ ധാരണയാണ്. അത് ഏത് നിമിഷവും വേറൊരു രാജ്യത്തേക്കും എത്താം,” ബ്രിട്ടാസ് മുന്നറിയിപ്പ് നൽകി.
പാകിസ്താൻ ഫീൽഡ് മാർഷൽ അസിം മുനീർ ചെയ്ത, ഹിന്ദുക്കളും മുസ്ലിംകളും വ്യത്യസ്തരാണെന്ന അവകാശവാദത്തെ കഠിനമായി വിമർശിച്ച അദ്ദേഹം, തന്റെ കൂടെ സൽമാൻ ഖുർഷിദ് എന്ന മുസ്ലിം നേതാവും തന്നെയാണ് ഇപ്പോൾ യാത്ര ചെയ്യുന്നതെന്ന് എടുത്തുപറഞ്ഞു. “ഞാൻ ഒരു ക്രൈസ്തവനാണ്. കേരളത്തിൽ നിന്ന് വന്നതാണ്. അവിടെ എല്ലാ മതക്കാരും സമാധാനത്തോടെ, സഹോദര്യത്തോടെ കഴിയുകയാണ്. അതാണ് ഇന്ത്യ ലോകത്തിന് നൽകുന്ന സന്ദേശം,” ജോൺ ബ്രിട്ടാസ് പ്രസ്താവിച്ചു.
