കൊച്ചി: സംസ്ഥാന തദ്ദേശ ഭരണ വകുപ്പിന്റെ സ്വപ്നപദ്ധതിയായ മാലിന്യമുക്ത നവകേരളം പദ്ധതിയുടെ അംബാസഡറാകാന് തയാറാണെന്ന് ഗായകന് എം ജി ശ്രീകുമാര് അറിയിച്ചതായി മന്ത്രി എം ബി രാജേഷ്.
ഈ മാസം 9 മുതല് 13 വരെ തിരുവനന്തപുരത്ത് നടക്കുന്ന ‘വൃത്തി 2025’ ദേശീയ കോണ്ക്ലേവില് പങ്കെടുക്കാന് എം.ജി. ശ്രീകുമാറിനെയും ക്ഷണിച്ചെന്ന് മന്ത്രി പറഞ്ഞു.എം.ജി. ശ്രീകുമാറുമായി താന് സംസാരിച്ചിരുന്നെന്ന് എം.ബി.രാജേഷ് മാധ്യമങ്ങളോട് പറഞ്ഞു. അന്ന് നടന്ന സംഭവം അദ്ദേഹം പറഞ്ഞു. കായലിലേക്ക് മാലിന്യം വലിച്ചെറിഞ്ഞത് തെറ്റാണെന്നും, ഇക്കാര്യത്തില് മാതൃകയെന്ന നിലയില് മാലിന്യമുക്ത നവകേരളം പദ്ധതിയുമായി സഹകരിക്കാന് ആഗ്രഹിക്കുന്നതായും അദ്ദേഹം അറിയിച്ചെന്ന് മന്ത്രി പറഞ്ഞു. തുടര്ന്നാണ് അദ്ദേഹത്തെ വൃത്തി കോണ്ക്ലേവിലേക്ക് ക്ഷണിച്ചത്.
ഏപ്രില് 9ന് മുഖ്യമന്ത്രി പിണറായി വിജയന് കോണ്ക്ലേവ് ഉദ്ഘാടനം ചെയ്യും. 12നുള്ള സമാപന സമ്മേളനം സംസ്ഥാന ഗവര്ണര് രാജേന്ദ്ര വിശ്വനാഥ് ആര്ലേക്കറാണ് ഉദ്ഘാടനം ചെയ്യുന്നത്. രണ്ടു ചടങ്ങുകളിലും മന്ത്രി എം.ബി.രാജേഷ് അധ്യക്ഷത വഹിക്കും.
