തള്ളിമറിച്ച് ‘എമ്പുരാന്’ സിനിമയെ നശിപ്പിക്കരുതെന്ന് സംവിധായകന് അഖില് മാരാര്. ചിത്രത്തെ കുറിച്ചുള്ള പ്രതീക്ഷകള് പങ്കുവയ്ക്കവെയാണ് അഖില് മാരാരുടെ പരാമര്ശം. ”തള്ളി തള്ളി എമ്പുരാനെ നശിപ്പിക്കരുത്, കുഞ്ഞാലിമരക്കാര് സിനിമയുടെ അവസ്ഥ ഉണ്ടാവരുത്, ആ ചിത്രത്തിന് ഓവര് ഹൈപ്പ് ആയിരുന്നു” എന്നാണ് അഖില് മാരാര് പറയുന്നത്.
നാഷണല് അവാര്ഡ് നേടിയ ‘മരക്കാര്: അറബിക്കടലിന്റെ സിംഹം’ വന് ഹൈപ്പോടെ തിയേറ്ററില് എത്തിയ ചിത്രമായിരുന്നു. എന്നാല് 2021ല് പുറത്തിറങ്ങിയ സിനിമയ്ക്ക് കടുത്ത വിമര്ശനങ്ങളാണ് ലഭിച്ചത്. ബോക്സ് ഓഫീസിലും വലിയ മുന്നേറ്റമുണ്ടാക്കാന് സിനിമയ്ക്ക് സാധിച്ചിരുന്നില്ല. 100 കോടി ബജറ്റില് നിര്മ്മിച്ച ചിത്രത്തിന് തിയേറ്ററില് നിന്നും 50 കോടി രൂപ നേടാന് പോലും സാധിച്ചിരുന്നില്ല.
ഞാന് പൂര്ണ്ണമായും നെപ്പോട്ടിസത്തിന്റെ പ്രോഡക്ട് ആണ്, സിനിമ ലഭിച്ചതിന് പിന്നില് കുടുംബപ്പേര്: പൃഥ്വിരാജ്അതേസമയം, ലോകം മുഴുവനുള്ള സിനിമാ പ്രേമികള് ആകാംക്ഷയോടെയും ആവേശത്തോടെയും കാത്തിരിക്കുന്ന ചിത്രമാണ് എമ്പുരാന്. മലയാളം കണ്ട ഏറ്റവും വലിയ ബ്രഹ്മാണ്ഡ റിലീസിനാണ് സിനിമാപ്രേമികള് സാക്ഷ്യം വഹിക്കാന് പോകുന്നത്. ചിത്രത്തിന്റെ ഓള് ഇന്ത്യ അഡ്വാന്സ് ടിക്കറ്റ് ബുക്കിംഗ് മാര്ച്ച് 21 ന് രാവിലെ 9 മണിക്കാണ് ആരംഭിച്ചത്.
