സാങ്കേതിക പ്രശ്നങ്ങളെ തുടര്ന്നാണ് മാറ്റിയത് എന്നാണ് ദേവസ്വം ബോര്ഡിന്റെ വിശദീകരണം
തൃശ്ശൂര്: ഇരിങ്ങാലക്കുട കൂടല്മാണിക്യം ക്ഷേത്രത്തില് ജാതി വിവേചനമെന്ന് ആരോപണം. കഴകം പ്രവര്ത്തിക്ക് നിയമിതനായ ഈഴവ സമുദായത്തില് പെട്ട തിരുവനന്തപുരം ആര്യനാട് സ്വദേശി വി എ ബാലുവിനെ തന്ത്രിമാരുടെ സമ്മര്ദ്ദത്തെ തുടര്ന്ന് മാറ്റിനിര്ത്തി എന്നാണ് പരാതി. സാങ്കേതിക പ്രശ്നങ്ങളെ തുടര്ന്നാണ് മാറ്റിയത് എന്നാണ് ദേവസ്വം ബോര്ഡിന്റെ വിശദീകരണം.
കേരള ദേവസ്വം റിക്രൂട്ട്മെന്റ് ബോര്ഡിന്റെ പരീക്ഷ പാസായി ലഭിച്ച നിയമനമാണ് തന്ത്രിമാരുടെ പ്രതിഷേധത്തെ തുടര്ന്ന് ദേവസ്വം ബോര്ഡ് മാറ്റിയത്. ക്ഷേത്രത്തില് നേരിടുന്ന അവഹേളനവും സമ്മര്ദ്ദവും മൂലം വി എ ബാലു അഞ്ചുദിവസത്തെ അവധിയില് പ്രവേശിച്ചു. ജാതി വിവേചനത്തിനെതിരെ വിവിധ കോണുകളില് നിന്ന് ശക്തമായ പ്രതിഷേധമാണ് ഉയരുന്നത്.
