പൊന്നിൻ തിളക്കം പോലെ സ്വർണത്തിന് ഇന്നും വിലകൂടി. രണ്ട് ദിവസത്തെ ഇടിവിന് ശേഷമാണ് സംസ്ഥാനത്ത് ഇന്ന് സ്വര്ണവില വീണ്ടും കൂടിയത്. ഇന്ന് ഒരു പവന് സ്വര്ണത്തിന് 320 രൂപയാണ് വര്ധനവ്. ഇതോടെ സംസ്ഥാനത്ത് ഒരു പവന് സ്വര്ണത്തിന്റെ വില 63,840 രൂപയായി. ഗ്രാമിന് 40 രൂപ കൂടി ഒരു ഗ്രാം സ്വര്ണത്തിന് 7890 രൂപ എന്ന നിരക്കിലാണ് ഇന്നത്തെ വില്പ്പന .
പവന് വില ആദ്യമായി അറുപതിനായിരം കടന്നത് കഴിഞ്ഞ മാസം 22നാണ് . രൂപയുടെ മൂല്യമിടിവും സ്വര്ണ വിലയില് പ്രതിഫലിച്ചു. ട്രംപിന്റെ താരിഫ് ഭീഷണിതന്നെയാണ് സ്വര്ണത്തിന്റെ കുതിപ്പിന് പിന്നില്. രൂപയുടെ മൂല്യത്തില് റെക്കോര്ഡ് ഇടിവാണ് ഇന്നുണ്ടായത്. രൂപയുടെ മൂല്യം 44 പൈസ ഇടിഞ്ഞു ഡോളറിനെതിരെ 87.92 എന്ന എക്കാലത്തെയും താഴന്ന നിലവാരത്തിലാണ് എത്തിയത്.
