പാലക്കാട്: കണ്ണിന് പരിക്കേറ്റ പി.റ്റി. 5 എന്ന ആനയ്ക്ക് മയക്കുവെടിവെച്ചു. ഡോ. അരുൺ സഖറിയുടെ നേതൃത്വത്തിലുള്ള സംഘം കഞ്ചിക്കോട് വനമേഖലയിലെത്തി ആനയെ മയക്കി പിടികൂടുകയായിരുന്നു. ഉടൻ തന്നെ കാട്ടിൽ നിന്ന് പുറത്തേക്ക് കൊണ്ടുവന്ന് ആരോഗ്യനില പരിശോധിക്കുമെന്ന് അധികൃതർ അറിയിച്ചു. രണ്ട് കണ്ണിലും കാഴ്ച നഷ്ടമായതിനാൽ ആദ്യം അതിനുള്ള ചികിത്സ നൽകും. കൂടുതൽ ആരോഗ്യപ്രശ്നങ്ങൾ, പ്രത്യേകിച്ച് ശസ്ത്രക്രിയ ആവശ്യമായ സാഹചര്യം ഉണ്ടെങ്കിൽ കൂടുതൽ സമയം എടുത്ത് ചികിത്സ തുടരാനും പദ്ധതി.Komban PT 5, who had an eye injury, was drugged
വടവുമായി ഉദ്യോഗസ്ഥർ കാട്ടിലേക്ക് പോയിട്ടുണ്ട്. മയക്കുവെടിവെച്ച ശേഷം മുന്നോട്ടുള്ള നടപടികൾ ആലോചിക്കുമെന്നും ഫോറസ്റ്റ് ചീഫ് വെറ്റിനറി സർജൻ ഡോ. അരുൺ സഖറിയ വ്യക്തമാക്കി. ദൗത്യത്തിന്റെ ഭാഗമായി മലമ്പുഴ–കഞ്ചിക്കോട് റോഡിൽ ഗതാഗത നിയന്ത്രണം ഏർപ്പെടുത്തിയിട്ടുണ്ട്. മുത്തങ്ങയിൽ നിന്ന് വിക്രം, ഭരത് എന്നീ കുങ്കിയാനകളെയും പാലക്കാട് എത്തിച്ചിട്ടുണ്ട്.
ആനയുടെ ആരോഗ്യനില വളരെ ഗുരുതരമാണെന്ന് സ്ഥിരീകരിക്കപ്പെട്ടാൽ എയർ ആംബുലൻസിലൂടെ ധോണി ക്യാമ്പിലേക്ക് മാറ്റും. അവിടെ കൂട്ടിലാക്കിയ ശേഷം വിദഗ്ധ ചികിത്സ നൽകും. പി.റ്റി. 5ന്റെ ശരീരത്തിലെ മുറിവ് മരക്കൊമ്പ് കൊണ്ടായിരിക്കാമെന്നാണ് വനംവകുപ്പ് ഉദ്യോഗസ്ഥരുടെ പ്രാഥമിക നിഗമനം. ആനകൾ തമ്മിൽ ഏറ്റുമുട്ടിയതായി തെളിവുകളൊന്നും ലഭിച്ചിട്ടില്ലെന്നും അവർ വ്യക്തമാക്കി.
