ചേലക്കര: തുടർച്ചയായ അഞ്ചാം ദിവസമായും തൃശൂർ ചേലക്കരയിലെ ആറ്റൂരിൽ കാട്ടാനയുടെ ആക്രോശം തുടരുന്നു. ഇന്നലെ രാത്രിയിറങ്ങിയ വാഴക്കൊമ്പനെന്ന ആനയ്ക്ക് മുമ്പിൽ പെട്ട ബൈക്ക് യാത്രക്കാരന്‍ ബൈക്ക് ഉപേക്ഷിച്ച് ഓടി രക്ഷപ്പെടുകയായിരുന്നു.Wild elephant attacks continue in Chelakkara
കാട്ടാനയുടെ ആക്രമണത്തിൽ നിരവധി വീടുകളുടെ ചുമരുകളും മതിലുകളും തകർന്ന് പോയി. ഇതിനെതിരെ ചേലക്കരയിൽ ശക്തമായ പ്രതിഷേധം അരങ്ങേറി.
വാഴക്കോട് പ്രദേശത്തും കാട്ടാനയുടെ സാന്നിധ്യം ഇന്നലെ റിപ്പോർട്ട് ചെയ്തതോടെ, ആനക്കൂട്ടം തന്നെ ജനവാസ മേഖലയിലേക്കെത്തിയതായി സംശയമുണ്ട്. കാട്ടാന ആക്രമണങ്ങൾ ആവർത്തിക്കുന്ന സാഹചര്യത്തിൽ, ഇവ തടയാൻ ശാശ്വതമായ നടപടികൾ എടുക്കണമെന്നാവശ്യപ്പെട്ട് നാട്ടുകാർ കർശനമായ പ്രതിഷേധത്തിലാണ്.
