കോട്ടയം വൈക്കം മുറിഞ്ഞപുഴയിൽ വള്ളം മറിഞ്ഞ് കാണാതായ യുവാവിനായി തിരച്ചിൽ ഇന്നും തുടരുകയാണ്. ആലപ്പുഴ പാണാവള്ളി സ്വദേശി കണ്ണനെയാണ് അപകടത്തിൽ നിന്നും കാണാതായത്. പാണാവളിയിൽ നിന്ന് കാട്ടിക്കുന്നിലേക്കുള്ള സംസ്‌കാര യാത്രക്കിടയിലാണ് യാത്രക്കാരുമായി ബോട്ടപകടം സംഭവിച്ചത്.Vaikom Murinjapuzha boat accident: Search continues for missing youth
മുപ്പതോളം യാത്രക്കാർ സഞ്ചരിച്ചിരുന്ന വള്ളം വേമ്പനാട് കായലിൽ ശക്തമായ മഴയും കാറ്റും മൂലം നിയന്ത്രണം നഷ്ടപ്പെട്ടു മറിഞ്ഞതായിരുന്നു. ഇതിൽ 29 പേരെ രക്ഷപ്പെടുത്തി. ഒരാൾക്ക് ഇന്ന്‍ വരെ വിവരം ലഭിച്ചിട്ടില്ല. മൂന്ന് പേർക്ക് പരിക്കേറ്റു, ഇവരെ വൈക്കം താലൂക്ക് ആശുപത്രിയിൽ പ്രവേശിപ്പിച്ചു.
കണ്ണനെ കണ്ടെത്താൻ ഫയര്‍ഫോഴ്‌സിന്റെ സ്‌കൂബ സംഘം, നേവിയിലെ മുങ്ങൽ വിദഗ്ധർ, മത്സ്യത്തൊഴിലാളികൾ, കക്ക വരാല്‍ തൊഴിലാളികൾ എന്നിവർ ചേർന്ന് തിരച്ചിൽ തുടരുകയാണ്. കഴിഞ്ഞ ദിവസം ഉച്ചയ്ക്ക് ഒരു മണിയോടെയാണ് അപകടം നടന്നത്. മറിഞ്ഞ വള്ളം അഞ്ച് കിലോമീറ്റര്‍ അകലെയുള്ള പെരുമ്പളത്ത് നിന്നും പിന്നീട് കരക്കടുപ്പിക്കപ്പെട്ടു.
വള്ളം കരയിൽ നിന്നും അത്ര ദൂരെയായിരുന്നില്ലെന്നും പലരും നീന്തി രക്ഷപ്പെട്ടുവെന്നും ദൃക്‌സാക്ഷികൾ പറഞ്ഞു. ശക്തമായ മഴയും കാറ്റും രക്ഷാപ്രവർത്തനത്തെ ശക്തമായി ബാധിച്ചിരുന്നു.
സംഭവം വളരെ വേദനാജനകമാണെന്ന് അറിയിച്ച സി കെ ആശ എംഎല്‍എ, കാണാതായ കണ്ണനെ കണ്ടെത്താൻ എല്ലാ സഹായങ്ങളും നല്‍കുമെന്ന് വ്യക്തമാക്കി. നാട്ടുകാരുടെയും വൈക്കം ഫയർഫോഴ്‌സിന്റെയും നേതൃത്വത്തിൽ തിരച്ചിൽ തുടരുകയാണ്.
