കൊച്ചി:പെറ്റിക്കേസ് പിഴയിലെ തുകയുമായി കൃത്രിമം നടത്തിയ ട്രാഫിക് എൻഫോഴ്‌സ്‌മെന്റ് യൂണിറ്റിലെ സിപിഒയുടെ തട്ടിപ്പ് പുറത്ത്. മൂവാറ്റുപുഴയിൽ പ്രവർത്തിച്ചിരുന്ന സിപിഒ ശാന്തി കൃഷ്ണനാണ് നാല് വർഷത്തോളം നടന്ന് 16 ലക്ഷം രൂപ തട്ടിയെടുത്തത്. ബാങ്ക് രസീതിലും ക്യാഷ് ബുക്കിലും വ്യാജ രേഖകൾ സൃഷ്ടിച്ചാണ് തട്ടിപ്പ് നടന്നത്.CPO’s Petty Case Fine Fraud; 16 lakhs embezzled
2018 മുതൽ 2022 വരെ ശാന്തി കൃഷ്ണൻ നടത്തിയ തട്ടിപ്പ്, ഡിഐജി ഓഫീസിൽ നിന്ന് നടന്ന സാധാരണ ഓഡിറ്റിലൂടെയാണ് പുറത്തു വന്നത്. പിഴ ഈടാക്കുന്ന തുക കുറച്ച് കാണിച്ചു കൊണ്ടുള്ള തട്ടിപ്പാണ് നടന്നത്.
തട്ടിപ്പിന്റെ വിവരം പുറത്തറിഞ്ഞതിനെത്തുടർന്ന് എറണാകുളം റൂറൽ എസ്പി ശാന്തി കൃഷ്ണനെ സസ്‌പെൻഡ് ചെയ്തു. സംഭവത്തിൽ മൂവാറ്റുപുഴ പൊലീസ് കേസെടുത്ത് അന്വേഷണം ആരംഭിച്ചു. ശാന്തി കൃഷ്ണ സ്ഥലം മാറിയതിനു ശേഷം നടന്ന ഓഡിറ്റിലാണ് തട്ടിപ്പിന്റെ ദൃശ്യമായ തെളിവുകൾ പുറത്തുവന്നത്.
