മാലിന്യങ്ങളേയും ആവശ്യമില്ലാത്ത മറ്റ് വസ്തുക്കളേയും സംസ്കരിച്ച് ശരീരം വൃത്തിയായി സൂക്ഷിക്കുന്നതില് പ്രധാന പങ്ക് വഹിക്കുന്നതാണ് കരളിന്റെ ജോലി
ഇന്ന് ലോക കരള് ദിനം. കരളിനെ കുറിച്ച് ബോധവാന്മാരാകാനും അവയെ ബാധിക്കുന്ന അസുഖങ്ങളെയും ആരോഗ്യം ഉറപ്പാക്കാനുള്ള മാര്ഗങ്ങളെയും കുറിച്ച് അറിയാനുമായാണ് ഈ ദിനം ആചരിക്കുന്നത്. ശരീരത്തിലെ ഏറ്റവും പ്രധാനപ്പെട്ട ഒരു ഗ്രന്ഥിയാണ് കരള്. നട്ടെല്ലുള്ള എല്ലാ ജീവികളിലും മറ്റ് ചില ജീവികളിലും ഉള്ള ജീവധാരണമായ ആന്തരിക അവയവമാണ് കരൾ. ശരീരത്തിലെ ഏറ്റവും വലിയ ഗ്രന്ഥിയാണ്. ശരീരത്തിലെ രാസ പരീക്ഷണശാല എന്നുവിളിക്കുന്ന അവയവം ആണ് കരൾ.
ഒരാളുടെ തൂക്കത്തിന്റെ 2 ശതമാനത്തോളം തൂക്കമുണ്ട് കരളിന്. വിസറൽ പെരിട്ടോണിയം എന്നനേർത്ത സ്തരം കൊണ്ട് കരൾ ആവരണം ചെയ്യപ്പെട്ടിരിക്കുന്നു. 30000 കോടിയോളം ഹെപ്പറ്റോ സെല്ലുകൾ കൊണ്ടാണ് കരൾ നിർമ്മിക്കപ്പെട്ടിരിക്കുന്നത്. പിത്തരസം അഥവാ ബൈലും രക്തവും നിരന്തരം ഒഴുകുന്ന നിരവധി നളികകൾ കരളിൽ ഉണ്ട്. കരളിന് ഇടതു ദളവും അതിന്റെ ആറിരട്ടി വലിപ്പമുള്ള വലതു ദളവും ഇവയ്ക്ക് പുറകിൽ രണ്ടു ചെറിയ ദളങ്ങളുമുണ്ട്.
ശരീരത്തിലെ മിക്ക അവയവങ്ങളും ചലിച്ചുകൊണ്ടിരിക്കുമ്പോൾ തികച്ചും നിശ്ചലമായി പ്രവർത്തിക്കുന്ന അവയവമാണ് കരൾ. വിശ്രമാവസ്ഥയിൽ ഇരിക്കുമ്പോൾ മിനിട്ടിൽ ഒന്നേകാൽ ലിറ്റർ രക്തം കരളിൽ കൂടി പ്രവഹിക്കുന്നു. കരളിന്റെ മറ്റൊരവയവത്തിനുമില്ലാത്ത സവിശേഷത അതിന്റെ സ്വയം സഹന ശേഷിയും പുനരുജ്ജീവനശേഷിയുമാണ്.മുക്കാൽ പങ്കോളം നശിച്ചുകഴഞ്ഞാൽ പോലും കരൾ അതിന്റെ മുഴുവൻ പ്രവർത്തനങ്ങളും നടത്തിക്കൊണ്ടേയിരിക്കും.കേടുവന്ന ഭാഗം മുറിച്ചുമാറ്റിയാൽ പോലും കരൾ വീണ്ടും വളർന്നു വരും. അതിനാൽ കരൾ ദാനം ചെയ്യുമ്പോൾ ദാതാവിന് ബുദ്ധിമുട്ടുകൾ ഉണ്ടാവാറില്ല. നാം കുടിക്കുന്ന ദ്രാവകങ്ങളുടെ ഒരു ഡാം പോലേയും പ്രവർത്തിക്കുന്നു. നമ്മൾ കുറേ വെള്ളം കുടിച്ചാൽ കരൾ ഉടൻ തന്നെ വീർക്കും.
ദഹനവ്യവസ്ഥയിലെ പ്രധാന ഭാഗം. രക്തത്തെ വൃത്തിയാക്കുക, ഗ്ലൂക്കോസ്, പിത്തരസം എന്നിവ ഉത്പാദിപ്പിക്കുക എന്നിവ അടക്കം കരളിന്റെ കടമകളേറെയുണ്ട്. ശരീരത്തിൽ നിന്ന് വിഷവസ്തുക്കളെ നീക്കം ചെയ്യുന്ന ശരീരത്തിലെ ഏറ്റവും വലിയ ഖര അവയവമാണ് കരൾ. അവയവം ആരോഗ്യകരമായ രക്തത്തിലെ പഞ്ചസാരയുടെ അളവ് നിലനിർത്തുന്നു, രക്തം കട്ടപിടിക്കുന്നത് നിയന്ത്രിക്കുന്നു. ഒറ്റ വാക്യത്തില് പറഞ്ഞാല് മാലിന്യങ്ങളേയും ആവശ്യമില്ലാത്ത മറ്റ് വസ്തുക്കളേയും സംസ്കരിച്ച് ശരീരം വൃത്തിയായി സൂക്ഷിക്കുന്നതില് പ്രധാന പങ്ക് വഹിക്കുന്നതാണ് കരളിന്റെ പ്രധാന ജോലി. നട്ടെല്ലുള്ള എല്ലാ ജീവികളിലും മറ്റ് ചില ജീവികളിലും ഉള്ള ജീവധാരണമായ ആന്തരിക അവയവമാണ് കരൾ. ശരീരത്തിലെ ഏറ്റവും വലിയ ഗ്രന്ഥിയാണ്.
ഭക്ഷണശൈലിയും ജനിതക കാരണങ്ങളും അമിത മദ്യപാനവും പുകവലിയും മരുന്നിന്റെ ഉപയോഗവുമെല്ലാം കരളിന്റെ ആരോഗ്യത്തെ ബാധിക്കാം. വിവിധ രോഗങ്ങള്ക്കായി കഴിക്കുന്ന മരുന്നുകള് അവയുടെ പ്രവര്ത്തന ശേഷം ശരീരത്തിലടിഞ്ഞ് നില്ക്കാതെ പുറന്തള്ളുന്നത് കരളാണ്. സൂക്ഷിച്ചില്ലെങ്കില് വളരെയേറെ രോഗസാധ്യതയുള്ള കരളിനെ കരുതിയില്ലെങ്കില് പ്രത്യാഘാതം വലുതായിരിക്കും.
കരളിനെ സംരക്ഷിക്കാന്..
- ജീവിതശൈലി ക്രമീകരിക്കാം
ആരോഗ്യകരമായ ആഹാരം കഴിക്കുക. ദിവസവും വ്യായാമം ചെയ്യുക. വ്യയാമം നിങ്ങളുടെ ശരീരത്തെ ആരോഗ്യത്തോടെ നിലനിര്ത്തുന്നതിന് സഹായിക്കും.
- മദ്യം ഒഴിവാക്കുക
മദ്യപാനം നിങ്ങളുടെ കരളിനെ നശിപ്പിക്കും. നിങ്ങള് പതിവായി മദ്യം കഴിക്കുന്ന ഒരാളാണെങ്കില് ഫാറ്റി കരള് രോഗം, കരള് സിറോസിസ് എന്നിവ ഉണ്ടാകാം. മദ്യം കരളിലെ കോശങ്ങളെ നശിപ്പിക്കുന്നു. ഇത് കരള് വീക്കം, കരള് സിറോസിസ് എന്നീ രോഗങ്ങളിലേക്ക് നയിക്കും.
- മരുന്നുകള് കഴിക്കുമ്പോള് ശ്രദ്ധിക്കുക
നിങ്ങളുടെ കരളിന് ദോഷം ചെയ്യുന്ന ചില മരുന്നുകള് ഉണ്ട്. വേദന സംഹാരികളായിട്ടുള്ള മരുന്നുകള് കരളിന് ദോഷം ചെയ്യും. കൂടാതെ അവയുടെ ഉപഭോഗം അടിയന്തിര സാഹചര്യങ്ങളില് മാത്രം ചെയ്യണം. ചില മരുന്നുകള് മറ്റ് മരുന്നുകളുമായി സംയോജിപ്പിക്കുന്നത് കരളിന് ദോഷകരമാണ്. അതിനാല് ഡോക്ടറുടെ നിര്ദേശപ്രകാരം മാത്രം മരുന്നുകള് കഴിക്കുക.
- മാലിന്യങ്ങളില് നിന്ന് അകലം പാലിക്കുക
വിഷപ്പുക ശ്വസിക്കുന്നത് കരളിനെ ദോഷകരമായി ബാധിക്കും. എയറോസോളുകള് അല്ലെങ്കില് കീടനാശിനികള് പോലെയുള്ള ക്ലീനിംഗ് ഉത്പന്നങ്ങള് നിങ്ങളുടെ കരളിന് ദോഷം വരുത്തുന്ന രാസവസ്തുക്കളാണ്. കരള് രോഗാതുരമാകാതിരിക്കാന് പുകവലി നിര്ബന്ധമായും ഉപേക്ഷിക്കേണ്ടതാണ്.
രോഗം മൂർച്ഛിക്കുമ്പോൾ താഴെ പറയുന്ന ലക്ഷണങ്ങൾ കണ്ടേക്കാം:
- ക്ഷീണം
- ഓക്കാനം, ഛർദ്ദി
- വയറുവേദന
- ത്വക്കും കണ്ണുകളും മഞ്ഞളിക്കുക (മഞ്ഞപ്പിത്തം)
- മൂത്രത്തിന് കടും നിറം
- മലത്തിന് വിളറിയ നിറം
- ശരീരത്തിൽ ചൊറിച്ചിൽ
- വയറ്റിൽ നീര് കെട്ടുക
ഈ ലക്ഷണങ്ങൾ കണ്ടാൽ ഉടൻതന്നെ ഡോക്ടറെ സമീപിക്കേണ്ടത് അത്യാവശ്യമാണ്.
ഈ ലോക കരൾ ദിനത്തിൽ, നമ്മുടെ കരളിന്റെ ആരോഗ്യം സംരക്ഷിക്കാൻ നമുക്ക് പ്രതിജ്ഞയെടുക്കാം. ആരോഗ്യകരമായ ജീവിതശൈലി പിന്തുടർന്ന് കരൾ രോഗങ്ങളെ നമുക്ക് തടയാൻ സാധിക്കും.
