നിലവില് കെപിസിസി നിര്വാഹക സമിതി അംഗമായിരുന്നു
കൊല്ലം: മുതിര്ന്ന കോണ്ഗ്രസ് നേതാവ് ശൂരനാട് രാജശേഖരന് (75) അന്തരിച്ചു. എറണാകുളത്തെ സ്വകാര്യ ആശുപത്രിയിലായിരുന്നു അന്ത്യം ഏറെ നാളായി രോഗബാധിതനായിരുന്നു. നിലവില് കെപിസിസി രാഷ്ട്രീയകാര്യ സമിതി അംഗമായിരുന്നു. സംസ്കാരം വൈകിട്ട് അഞ്ച് മണിക്ക് ചാത്തനൂരിലെ വീട്ടുവളപ്പിൽ .
വീക്ഷണം മാനേജിംഗ് എഡിറ്ററുമായിരുന്നു.കൊല്ലം ശാസ്താംകോട്ട ഡിബി കോളേജില് കേരള വിദ്യാര്ത്ഥി യൂണിയന് പ്രവര്ത്തകനായി തുടങ്ങിയ ശൂരനാട് രാജശേഖരന് കെഎസ്യു സംസ്ഥാന ഭാരവാഹി, യൂത്ത് കോണ്ഗ്രസ് സംസ്ഥാന ഭാരവാഹി, കൊല്ലം ഡിസിസി പ്രസിഡന്റ്, കെപിസിസി ജനറല് സെക്രട്ടറി എന്നീ സ്ഥാനങ്ങള് വഹിച്ചു. സ്പോര്ട്സ് കൗണ്സില് പ്രസിഡന്റ്, സംസ്ഥാന സഹകരണ ബാങ്ക് പ്രസിഡന്റ്, വൈസ് പ്രസിഡന്റ്, കൊല്ലം പ്രസ് ക്ലബ്ബ് പ്രസിഡന്റ് എന്നീ നിലകളില് പ്രവര്ത്തിച്ചു. കേരളത്തിലെ മികച്ച സഹകാരികളില് ഒരാളാണ്. രാജ്യസഭയിലേക്കും പാര്ലമെന്റിലേക്കും നിയമസഭയിലേക്കും ഓരോ തവണ മത്സരിച്ചിട്ടുണ്ട്.
