വയനാട് നിവാസികൾക്ക് പാസ്‌പോർട്ടിനും അനുബന്ധ സേവനങ്ങൾക്കുമായി അയൽ ജില്ലകളിലേക്ക് പോകേണ്ട
കൽപറ്റ: വയനാട് ജില്ലക്കാർക്ക് ഇനി പാസ്‌പോർട്ടിനും അനുബന്ധ സേവനങ്ങൾക്കുമായി അയൽ ജില്ലകളിലേക്ക് ദീർഘദൂരം സഞ്ചരിക്കേണ്ട. ജില്ലയിലെ ആദ്യത്തെ പോസ്റ്റ് ഓഫീസ് പാസ്പോർട്ട് സേവാ കേന്ദ്രം (POPSK) തുറക്കുന്നു. കൽപ്പറ്റ ഹെഡ് പോസ്റ്റ് ഓഫീസിലാണ് പുതിയ സൗകര്യം ലഭ്യമാകുക. പാസ്‌പോർട്ടിനും അനുബന്ധ സേവനങ്ങൾക്കുമായി അയൽ ജില്ലകളിലേക്ക് ദീർഘദൂരം സഞ്ചരിച്ചിരുന്ന വയനാട് നിവാസികൾക്ക് പുതിയ സൗകര്യം വളരെയധികം ആശ്വാസം നൽകും. കോഴിക്കോട് റീജിയണൽ പാസ്പോർട്ട് ഓഫീസിന്റെ അധികാരപരിധിയിലുള്ള രണ്ടാമത്തെ പോസ്റ്റ് ഓഫീസ് പാസ്പോർട്ട് സേവാ കേന്ദ്രയും രാജ്യത്തെ 447-ാമത്തെ പോസ്റ്റ് ഓഫീസ് പാസ്പോർട്ട് സേവാ കേന്ദ്രയും ആയിരിക്കും വയനാട്ടിലേത്.
തുടക്കത്തിൽ, പോസ്റ്റ് ഓഫീസ് പാസ്പോർട്ട് സേവാ കേന്ദ്രം കൽപ്പറ്റയിൽ പ്രതിദിനം 50 അപേക്ഷകർക്ക് സേവനം നൽകും. വരും ദിവസങ്ങളിൽ പ്രതിദിനം 120 അപേക്ഷകൾ വരെ ലഭ്യമാക്കാനാണ് പദ്ധതി. പാസ്പോർട്ട് സേവാ പോർട്ടൽ (www.passportindia.gov.in) അല്ലെങ്കിൽ mPassport സേവാ മൊബൈൽ ആപ്പ് വഴി അപ്പോയിന്റ്‌മെന്റുകൾ ബുക്ക് ചെയ്യാം. ആൻഡ്രോയിഡ്, ഐഒഎസ് എന്നിവയിൽ ആപ്പ് ലഭ്യമാണ്.കേരളത്തിലെ അഞ്ച് വടക്കൻ ജില്ലകളായ മലപ്പുറം, കോഴിക്കോട്, വയനാട്, കണ്ണൂർ, കാസർകോട് എന്നിവിടങ്ങളിലും പുതുച്ചേരിയിലെ മാഹി മേഖലയിലും കോഴിക്കോട് റീജിയണൽ പാസ്പോർട്ട് ഓഫീസ് (ആ‍ർപിഒ) ആണ് സേവനം നൽകുന്നത്. നിലവിൽ അഞ്ച് പാസ്പോർട്ട് സേവാ കേന്ദ്രങ്ങളും (പിഎസ്കെ) പി‌എസ്‌കെകളും ഒരു പി‌ഒ‌പി‌എസ്‌കെയും ഈ ഓഫീസിനു കീഴിൽ പ്രവർത്തിക്കുന്നുണ്ട്. പൊതുജനങ്ങൾക്ക് കൂടുതൽ സൗകര്യം ഒരുക്കുന്നതിനായാണ് കൽപ്പറ്റ പി‌ഒ‌പി‌എസ്‌കെയെയും ഈ ശൃംഖലയുടെ ഭാഗമാകുന്നത്.
